ايم ڪيو ايم انٽرنيشنل سيڪريٽريٽ لنڊن ۽ نائن زيرو تي سينيئر مهاجر اڪابرن وڏي تعداد ۾ پنهنجا ڪوائف جمع ڪرايا.
سينيئر مهاجر اڪابرن جي طرفان سينيئر مهاجر ورلڊ ڪانگريس ۾ شموليت جي خواهش جو به اظهار.
لنڊن: 24 جولائي 2015
متحده قومي موومينٽ جي قائد جناب الطاف حسين جي اپيل تي پاڪستان سميت پوري دنيا کان سينيئر مهاجر اڪابرن جي طرفان ايم ڪيو ايم انٽرنيشنل سيڪريٽريٽ لنڊن ۽ نائن زيرو تي وڏي تعداد ۾ ڪوائف موصول ٿي رهيا آهن.تفصيلات جي مطابق گذريل پوين ڏينهن ۾ ايم ڪيو ايم جي قائد جناب الطاف حسين سڄي دنيا ۾ مقيم سينيئر مهاجر اڪابرن سان رابطا ڪري انهن کي پاڪستان ۾ مهاجرن تي ٿيندڙ غير قانوني ظلمن کان آگاھ ڪيو هو ۽ انهن ظلمن جي باري ۾ سڄي دنيا کي آگاھ ڪري سينيئر مهاجر ورلڊ ڪانگريس ۾ شموليت جي دعوت به ڏني هئي. جناب الطاف حسين جي اپيل تي پاڪستان سميت پوري دنيا ۾ مقيم سينيئر مهاجر دانشورن ، ليکڪن، صحافين، بيوروڪريٽس، اديبن، شاعرن، تاريخ دانن، پروفيسرن، عالمن سڳورن، صنعتڪارن، واپارين ۽ زندگي جي ٻين شعبن سان تعلق رکندڙ ماهرن سينيئر ورلڊ ڪانگريس ۾ شموليت جي خواهش جو اظهار به ڪيو آهي. سينيئر مهاجر اڪابرن جي طرفان چيو ويو آهي ته مهاجرن جي ڇنيل حقن جي حصول جي لاءِ مهاجر صوبي جو قيام انتهائي اڻٽر آهي ۽ ان سلسلي ۾ اهي سڄي دنيا ۾ پنهنجيون خدمتون پيش ڪرڻ جي لاءِ تيار آهن. سينيئر مهاجر اڪابرن جي طرفان وڏي تعداد ۾ ڪوائف نامه ايم ڪيو ايم انٽرنيشنل سيڪريٽريٽ لنڊن ۽ نائن زيرو تي فيڪس، اي ميل ۽ ٽپال جي ذريعي موڪليا ويا آهن ۽ ڪوائف نامه موڪلڻ جو سلسلو به مسلسل جاري آهي.