سينيئر صحافي ۽ جيو نيوز چينل جي بيوروچيف فهيم صديقي کي پوليس اهلڪارن جي طرفان اغوا ۽ ان کان پوءِ انهن تي تشدد ڪرڻ تي رابطا ڪميٽي جي طرفان مذمت جو اظهار.
ڪراچي: 25 جولائي 2015
متحده قومي موومينٽ جي رابطا ڪميٽي ملڪ جي معروف جيو نيوز چينل جي بيورو چيف فهيم صديقي کي پوليس اهلڪارن جي طرفان اغوا ڪرڻ ۽ ان کان پوءِ انهن تي تشدد ڪرڻ جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ رابطا ڪميٽي چيو ته ان کان اڳ به پوليس جي طرفان صحافين تي تشدد ۽ انهن کي خوف زده ڪرڻ جا واقعا سامهون ايندا رهيا آهن. پر اڄ تائين اهڙي عمل ۾ ملوث ڪنهن به اهلڪار جي خلاف ڪاروائي نه ڪئي وئي آهي. فهيم صديقي سينيئر صحافي آهن ۽ صحافت ۾ انهن جو وڏو مقام آهي. رابطا ڪميٽي فهيم صديقي سان همدردي جو اظهار ڪندي چيو ته ڪراچي پوليس ۾ موجود ڪارين رڍين پنهنجن مڪروھ مقصدن کي پورو ڪرڻ جي لاءِ پوري پوليس جي اداري جي عزت کي داءُ تي لڳايو ڇڏيو آهي. رابطا ڪميٽي چيو ته ان واقعي تي پوري ايم ڪيو ايم صحافي ڀائرن سان گڏ آهي. رابطا ڪميٽي وزير اعظم ميان نواز شريف، وفاقي وزير داخلا چوڌري نثار علي خان، وزير اعلٰي سنڌ سيد قائم علي شاھ ۽ وزير داخلا سنڌ سهيل انور سيال کان مطالبو ڪيو ته اهي فهيم صديقي جي اغوا ۽ انهن تي تشدد ۾ ملوث پوليس اهلڪارن جي خلاف فوري طور تي ڪاروائي ڪن ۽ پوري صحافي برادري کي انصاف فراهم ڪن.
*****