ايم ڪيو ايم هڪ محب وطن جماعت آهي ان کي طاقت جي ذريعي چٿڻ جو عمل ڪنهن به طرح صحيح نه آهي. ڊاڪٽر سليم دانش.

لنڊن؛ پهرين جولائي 2015 

            متحده قومي موومينٽ جي رابطا ڪميٽي جي ميمبر ۽ ايم ڪيو ايم يوڪي جي آرگنائيزر ڊاڪٽر سليم دانش چيو آهي ته ايم ڪيو ايم هڪ محب وطن جماعت آهي ۽ ان کي طاقت جي ذريعي چٿڻ جي ڪوشش ڪرڻ ۽ ان جو ميڊيا ٽرائل ڪرڻ ملڪ کي ڪمزور ڪرڻ جي برابر آهي. انهن خيالن جو اظهار انهن برطانيه سائوٿ آل يونٽ جي زير اهتمام دعوت افطار کي خطاب ڪندي ڪيو. جنهن ۾ پاڪستاني برادري وڏي تعداد ۾ شرڪت ڪئي. ان موقعي تي خطاب ڪندي ڊاڪٽر سليم دانش چيو ته ايم ڪيو ايم هڪ اٽل حقيقت آهي جيڪا سنڌ جي شهري علائقن جي نمائندگي رکي ٿي ۽ قائد تحريڪ جناب الطاف حسين ڪروڙين عوام جا محبوب قائد آهن. انهن چيو ته هڪ عوامي جماعت کي چٿڻ جي ڪوشش نه ڪالھ صحيح هئي ۽ نه اڄ صحيح آهي. ان جي ڪري ماضي مان سبق حاصل ڪندي ايم ڪيو ايم جي مينڊيٽ کي کليل دل سان تسليم ڪيو وڃي. انهن چيو ته ميڊيا ٽرائل ۽ طاقت جي ذريعي دنيا جي ڪائي به طاقت عوام جي دلين مان قائد تحريڪ جناب الطاف حسين جي محبت کي ختم نه ٿي ڪري سگهي. ان موقعي تي خطاب ڪندي سي اي سي ميمبر محمد شريف چيو ته ايم ڪيو ايم تي الزام لڳائڻ وارا جواب ڏين ته جڏهن قصبه ڪالوني عليڳڙھ، 30 سيپٽمبر سانحه حيدرآباد، پڪا قلعه آپريشن ۽ ٻين سانحن ۾ مهاجرن جو قتل عام ڪيو ويو ته ڪهڙي حڪومت ، پوليس ۽ ٻين قانون نافذ ڪرڻ وارن ادارن مهاجرن جي جان و مال کي بچائڻ جي لاءِ پنهنجو ڪردار ادا ڪيو؟ ان موقعي تي جوائنٽ انچارج سهيل خانزاده ۽ جنرل سيڪريٽري منظور احمد به خطاب ڪيو.