رينجر جي طرفان ڪراچي جي مختلف علائقن مان ايم ڪيو ايم جي بي گناھ ڪارڪنن جون گرفتاريون.

ڪراچي؛ 3 جولائي 2015 

             متحده قومي موومينٽ جي رابطا ڪميٽي شهر جي مختلف علائقن کان رينجر جي طرفان ايم ڪيو ايم جي بي گناھ ڪارڪنن جي گرفتارين جي سخت ترين لفظن ۾ مذمت ڪئي آهي ۽ انهن گرفتارين کي ايم ڪيو ايم جي فلاحي اداري ڪي ڪي ايف جي فلاحي سرگرمين کي طاقت جي ذريعي ڪڇلڻ جي مذموم ڪوشش قرار ڏنو آهي. پنهنجي هڪ بيان ۾ رابطا ڪميٽي چيو ته رينجر بلديه ٽائون جي علائقي مان ايم ڪيو ايم يونٽ 116 جي ٽن ڪارڪنن قادر، دانش ۽ محمد نعيم کي انهن جي گهر کان گرفتار ڪري ورتو. ڇاپن جي دوران رينجر وارن انهن جي امڙين ۽ ڀينرن کي ڌڪا ڏنا ۽ انهن کي گهٽ وڌ به ڳالهايو. رينجر اسڪيم 33 مان يونٽ 33 اي جي ڪارڪن محمد علي کي به انهن جي گهر کان گرفتار ڪري ورتو. جڏهن ته عزيز آباد جي علائقي ڀنگوريه ڳوٺ ۾ به ڇاپن ۽ گرفتارين جا اطلاعَ آهن. رابطا ڪميٽي ايم ڪيو ايم جي ڪارڪنن جي گرفتارين جي سخت مذمت ڪندي چيو آهي ته ملڪ جي ٻين شهرن وانگر ڪراچي ۾ به پابندي وڌل تنظيمون ۽ مذهبي جماعتون کلي عام زڪوٰت ۽ فطرو وصول ڪري رهيون آهن پر رينجر انهن پابندي وڌل تنظيمن يا مذهبي جماعتن جي خلاف ته ڪائي به ڪاروائي نه ڪئي آهي. پر جڏهن ته ڪي ڪي ايف جي لاءِ زڪوٰت ۽ فطرو وصول ڪرڻ رينجر اسان جي لاءِ ڏوھ بڻائي ڇڏيو آهي ۽ ان ڏوھ ۾ سڄي شهر مان ايم ڪيو ايم جي ذميوارن ۽ ڪارڪنن کي گرفتار ڪيو پيو وڃي ۽ انهن تي ڪوڙا مقدما به قائم ڪيا پيا وڃن، ان مان صاف ظاهر آهي ته هڪ سوچيل سمجهيل منصوبي جي تحت ايم ڪيو ايم ۽ ان جي فلاحي اداري ڪي ڪي ايف جي فلاحي سرگرمين کي طاقت جي ذريعي ڪڇلڻ جي ڪوشش ڪئي پئي وڃي. رابطا ڪميٽي چيو ته ان طرح جي هٿڪنڊن سان ايم ڪيو ايم جهڙي عوامي جماعت کي ختم نه ٿو ڪري سگهجي. رابطا ڪميٽي انساني حقن جي انجمنن کي اپيل ڪئي ته اهي ايم ڪيو ايم جي ڪارڪنن جي گرفتارين ۽ انساني حقن جي خلاف ورزين جي خلاف آواز بلند ڪن.