بينڪن جي کاتي دارن کان 6 .0 سيڪڙو جي حساب سان ڪٽوتي ڪرڻ جي ڪاري قانون تي واپاري برادري جيڪو به لائحه عمل تيار ڪندي ايم ڪيو ايم ان جي ڀرپور حمايت ڪندي. رابطا ڪميٽي جو اعلان.

ڪراچي؛ 5 جولائي 2015 

             متحده قومي موومينٽ جي رابطا ڪميٽي اعلان ڪيو آهي ته سنڌ حڪومت جي طرفان بينڪن جي کاتي دارن کان 6 .0 سيڪڙو جي حساب ڪٽوتي ڪرڻ جي ڪاري قانون تي واپاري برادري جيڪو به لائحه عمل تيار ڪندي ايم ڪيو ايم ان جي ڀرپور حمايت ڪندي. پنهنجي هڪ بيان ۾ رابطا ڪميٽي چيو ته کاتي دارن کان 6 .0 جي حساب سان ڪٽوتي ڪرڻ جو ڪارو قانون رائج ڪرڻ کاتي دارن جي پيسن تي ڌاڙو هڻڻ جي برابر آهي. جڏهن ته کاتي دارن کان انهن جي ئي پيسن جي ڏي وٽ ۾ سهولتون فراهم ڪرڻ جي بجاءِ ڪارو قانون لاڳو ڪرڻ حڪومتي بديانتي جو کليل ثبوت آهي. رابطا ڪميٽي بينڪ کاتي دارن کان 6. 0 جي حساب سان ڪٽوتي ڪرڻ جي ڪاري قانون جي سخت مذمت ڪندي چيو ته ايم ڪيو ايم هڪ اصول پرست سياسي جماعت آهي ۽ سياسي، واپاري، معاشي ۽ اقتصادي ميدان ۾ ملڪ جي ترقي ۽ خوشحالي جي خواهشمند آهي. ان جي ڪري ايم ڪيو ايم ان ڪاري قانون کي رد ڪري ٿي ۽ ان جي خلاف واپاري برادري کي پنهنجي هر ممڪن تعاون جو يقين ڏياري ٿي. رابطا ڪميٽي حڪومت کان پرزور مطالبو ڪيو ته اهابينڪ کاتي دارن کان 6 .0 سيڪڙو جي حساب سان ڪٽوتي ڪرڻ جي ڪاري قانون کي فوري طور تي واپس وٺي ۽ حڪومتي سطح تي واپار دشمن ڪوششون ڪرڻ وارن جو سخت احتساب ڪري.