ايم ڪيو ايم جي قائد جناب الطاف حسين مسل مينيا جي مقابلي ۾ گولڊ ميڊل حاصل ڪندڙ عبدالمالڪ جي لاءِ مٺائي جا ٻه ٽوڪرا، گلدستو ۽ 25 هزار روپين جي روڪ رقم انعام ڏيڻ جو اعلان ڪري ڇڏيو.
لنڊن؛ 24 جون 2015
متحده قومي موومينٽ جي قائد جناب الطاف حسين فرمايو آهي ته ڪراچي جي نوجوان عبدالمالڪ آمريڪا ۾ مسل مينيا جي مقابلي ۾ گولڊ ميڊل حاصل ڪري پاڪستان جو نالو روشن ڪيو آهي ۽ مخير حضرات کي انهن جهڙن همت وارن نوجوانن جي حوصله افزائي ڪرڻ گهرجي. پنهنجي هڪ بيان ۾ جناب الطاف حسين عبدالمالڪ کي ۽ انهن جي گهر وارن کي زبردست مبارڪباد پيش ڪئي آهي ۽ انهن کي شاندار ڪاميابي حاصل ڪرڻ تي عبدالمالڪ کي مٺائي جا ٻه ٽوڪرا، گلدستو ۽ 25 هزار روپين جي روڪ رقم انعام ڏيڻ جو اعلان ڪيو آهي. جناب الطاف حسين فرمايو ته عبدالمالڪ هڪ غريب گهراڻي سان تعلق رکي ٿو ۽ عورتن جا پرس وڪڻي ڪري پنهنجي گهر وارن جي ڪفالت ڪري ٿو. جناب الطاف حسين سمورن مخير حضرات کي اپيل ڪئي ته اهي عبدالمالڪ جهڙن باهمت نوجوانن جي ڀرپور مالي مدد ڪن ته جيئن اهي پاڪستان جو نالو وڌيڪ روشن ڪرڻ جي لاءِ پنهنجين صلاحيتن جو ڀرپور استعمال ڪري سگهن. جناب الطاف حسين رابطا ڪميٽي، مقامي سيڪٽر جي ڪارڪنن ۽ همدرد امڙين، ڀينرن ۽ بزرگن کي اپيل ڪئي آهي ته اهي عبدالمالڪ جو شاندار استقبال ڪري انهن کي زبردست خراج تحسين پيش ڪن ۽ انهن جي حوصله افزائي به ڪن.