عالمي ميڊيا جي غلط رپورٽ کي بنياد بڻائي ڪري ايم ڪيو ايم جي خلاف پنجاب اسيمبلي ۾ قرارداد منظور ڪرڻ تي رابطا ڪميٽي جي طرفان مذمت جو اظهار.
ڪراچي؛ 26 جون 2015
متحده قومي موومينٽ جي رابطا ڪميٽي ايم ڪيو ايم جي خلاف پنجاب اسيمبلي ۾ قرارداد منظور ڪرڻ جي سخت ترين لفظن ۾ مذمت ڪئي آهي ۽ چيو آهي ته غيرملڪي ميڊيا جي هڪ غلط رپورٽ کي جواز بڻائي ڪري پنهنجي ئي ملڪ جي محب وطن جماعت جي خلاف پنجاب اسيمبلي ۾ قرارداد منظور ٿيڻ هڪ دردناڪ عمل آهي. پنهنجي هڪ بيان ۾ رابطا ڪميٽي چيو ته پاڪستان بڻائڻ وارن جي اولادن جي نمائنده جماعت ايم ڪيو ايم جي خلاف نفرت ۽ تعصب جي بنياد تي ان جو ميڊيا ٽرائل ڪيو پيو وڃي . رابطا ڪميٽي چيو ته پنجاب اسيمبلي ۾ منظور ڪئي ويندڙ قرارداد ۾ ايم ڪيو ايم جي خلاف آرٽيڪل 6 جي تحت مقدمو هلائڻ جي ڳالھ ڪئي وئي پر اسان جو هتي اهو سوال آهي ته اڄ تائين آرٽيڪل 6 جي تحت انهن جي خلاف ڪاروائي ڇو نه ڪئي وئي جن پاڪستان کي ٽوڙي ڇڏيو. رابطا ڪميٽي چيو ته اسان کي ان ڳالھ جي سزا ڏني پئي وڃي ته ايم ڪيو ايم غريب ۽ وچولي طبقي جي نمائنده جماعت آهي ۽ ملڪ جي مظلوم قومن جي نمائندگي ڪري رهي آهي پر جڏهن ته ملڪ ۾ جاگيرداراڻه ، وڏيراڻه ۽ سرداراڻه نظام مسلط رکڻ وارا ۽ عوام کي غلام بڻائڻ وارا اڄ به آئين ۽ قانون جي گرفت کان محفوظ آهن. رابطا ڪميٽي چيو ته نفرت ۽ تعصب جو اهو عمل ملڪ جي لاءِ ڪنهن به طرح مفاد ۾ نه آهي بلڪه اهو ملڪ ۾ وڌيڪ نفرتن کي جنم ڏيڻ جو سبب بڻجندو.