ايم ڪيو ايم جي خلاف مسلسل جاري رهندڙ ميڊيا ٽرائل هڪ وڏي سازش جو حصو آهي. واسع جليل.
يوٿ ونگ جا ڪارڪن ايم ڪيو ايم جي خلاف ٿيندڙ ظلم ۽ زيادتين کي هر فورم تي اٿارين.ڊاڪٽر سليم دانش.
لنڊن ۾ يوٿ ونگ جي دعوت افطار کي خطاب.
لنڊن؛ 27 جون 2015
متحده قومي موومينٽ جي رابطا ڪميٽي جي ميمبر واسع جليل چيو آهي ته ايم ڪيو ايم جي خلاف مسلسل جاري رهندڙ ميڊيا ٽرائل هڪ وڏي سازش جو حصو آهي. جنهن جو مقصد ايم ڪيو ايم کي بدنام ڪرڻ ۽ عوام کي ايم ڪيو ايم کان بدظن ڪرڻ آهي. انهن چيو ته تمام تر سازشي هٿڪنڊن جي باوجود عوام جي دلين مان قائد تحريڪ جناب الطاف حسين ۽ ايم ڪيو ايم جي محبت کي ختم نه ٿو ڪري سگهجي ۽ ڪيتريون ئي سازشون ڇو نه ڪري وٺجن پر ماضي وانگر هن ڀيري به ايم ڪيو ايم ان ڏکئي وقت مان نڪري ايندي.اها ڳالھ انهن لنڊن ۾ ايم ڪيو ايم وٿ ونگ جي دعوت افطار کي خطاب ڪندي ڪئي. واسع جليل چيو ته ڪراچي کي ڏوهن کان پاڪ ڪرڻ جي نالي تي شروع ڪيل آپريشن جو رخ ايم ڪيو ايم ڏانهن موڙيو ويو ۽ هزارين بي گناھ ڪارڪنن کي گرفتار ڪري انهن تي ڪوڙا ۽ من گهڙت مقدما قائم ڪيا ويا آهن. انهن وڌيڪ چيو ته اڄ به ايم ڪيو ايم جا درجنين ڪارڪن لاپتا آهن جن جو ڪو به ڏس پتو نه آهي ته اهي ڪٿي آهن. ان موقعي تي رابطا ڪميٽي ميمبر ۽ ايم ڪيو ايم يوڪي جي انچارج ڊاڪٽر سليم دانش چيو ته موجوده حالتن ۾ جتي چئني طرفن کان قائد تحريڪ جناب الطاف حسين ۽ ايم ڪيو ايم جي خلاف سازشن ڪيون پيون وڃن اتي يوٿ ونگ جي تحريڪي ذميوارين ۾ به اضافو ٿي وڃي ٿو. ان جي ڪري يوٿ ونگ يورپ سميت پوري دنيا ۾ هر فورم تي ان ظلم جي خلاف آواز اٿاري.