نور الدين ڀاواني( منا ڀائي) ڪڏهن به همت نه هارڻ وارا، ٻين جي مدد ڪرڻ وارا ۽ زنده دل انسان هئا.حيدرعباس رضوي.
خورشيد بيگم سيڪريٽريٽ عزيز آباد ۾ منا ڀائي جي ياد ۾ تعزيتي ميڙاڪي کي خطاب.
ڪراچي؛ 14 جون 2015
متحده قومي موومينٽ جي رابطا ڪميٽي جي ميمبر حيدر عباس رضوي چيو آهي ته نور الدين ڀاواني( مناڀائي) زنده دل ۽ ڪڏهن به همت نه هارڻ وارا انسان هئا. انهن خيالن جو اظهار انهن پي ڊبليو ڊي ونگ جي مرحوم ميمبر مناڀائي جي ياد ۾ تعزيتي ميڙاڪي کي خطاب ڪندي ڪيو، اهو تعزيتي ميڙاڪو خورشيد بيگم سيڪريٽريٽ عزيز آباد ۾ منعقد ٿيو، جنهن ۾ سي اي سي ميمبر احمد سليم صديقي ۽ ٻين به شرڪت ڪئي. حيدر عباس رضوي چيو ته مناڀائي جهڙا زنده دل انسان جيڪڏهن ڪجھ ٻيا به پيدا ٿي وڃن ته اهي هر سطح تي انقلاب آڻي سگهن ٿا. انهن چيو ته پي ڊبليو ڊي ونگ کان هميشه اسان کي ڪجھ سکڻ جي لاءِ مليو آهي ڇو ته اهي معذور هجڻ جي باوجود همت ۽ جرت جي هڪ واضع مثال آهن.ان موقعي تي احمد سليم صديقي چيو ته جناب الطاف حسين جي طرفان معذور ماڻهن جي لاءِ جڏهن ايمبولينس جو تحفو ڏنو ويو ته مناڀائي وڏا خوش ۽ پرجوش هئا. اهڙا ماڻهو سالن کان پوءِ پيدا ٿيندا آهن. ان موقعي تي پي ڊبليو ڊي ونگ جي انچارج عدنان سرور، شعبه خواتين جي انچارج ڪشور زهرٰي، شميرا ڀاواني ۽ شهنيلا ڀاواني به خطاب ڪيو.