ڪي ڪي ايف جي زير اهتمام سوڀراج اسپتال ۾ بلڊ بينڪ ۽ ليبارٽري جو افتتاح ڪيو ويو.
قائد اعظم ۽ قائد تحريڪ جناب الطاف حسين جو نظريو هڪ ئي آهي. ڊاڪٽر فاورق ستار.
قائد تحريڪ جناب الطاف حسين ملڪ جي سياست ۾ انساني خدمت جي عمل کي متعارف ڪرايو آهي. ڊاڪٽر نصرت.
افتتاحي تقريب کي خطاب.
ڪراچي؛ 15 جون 2015
ڪي ڪي ايف جي زير اهتمام سوڀراج اسپتال ۾ بلڊ بينڪ ۽ ليبارٽري جو افتتاح ڪيو ويو. بلڊ بينڪ ۽ ليبارٽري ۾ مارڪيٽ کان 50 سيڪڙو گهٽ اگهن تي مستحق مريضن جا ٽيسٽ ڪيا ويندا. بلڊ بينڪ ۽ ليبارٽري جو افتتاح رابطا ڪميٽي ميمبرن ڊاڪٽر فاروق ستار ۽ چيف ٽرسٽي ڊاڪٽر نصرت ڪيو. ان موقعي تي سي اي سي ميمبر امين الحق، ڊاڪٽر صغير احمد ۽ ٻين کان علاوه عوام جي وڏي تعداد موجود هئي. ان موقعي تي ڊاڪٽر فاروق ستار خطاب ڪندي چيو ته قائد اعظم ۽ قائد تحريڪ جناب الطاف حسين جو نظريو هڪ ئي آهي. انهن چيو ته ملڪ جا حڪمران ناڪام ٿي چڪا آهن، عوام کي فقير بڻايو پيو وڃي ۽ بجيٽ عوام دوست نه بلڪه عوام دشمن آهي. انهن وڌيڪ چيو ته سوڀراج اسپتال ۾ بلڊ بينڪ ۽ ليبارٽري قائد تحريڪ جناب الطاف حسين جي طرفان غريب عوام جي لاءِ انمول تحفا آهن. ان موقعي تي ڊاڪٽر نصرت خطاب ڪندي چيو ته قائد تحريڪ جناب الطاف حسين ملڪ جي سياست ۾ انساني خدمت جي عمل کي متعارف ڪرايو آهي جنهن جي واضع مثال ڪي ڪي ايف آهي. انهن چيو ته جناب الطاف حسين سياست کان اڳ خدمت خلق ڪميٽي جي نالي سان هڪ فلاحي ادارو بڻايو هو ۽ اها ئي انساني خدمت جي هڪ وڏي مثال آهي.ان موقعي تي سي اي سي ميمبر امين الحق به خطاب ڪيو.