اليڪشن ڪميشن خيبرپختونخواھ ۾ ٿيندڙ مڪاني اليڪشن ۾ عورتن جي ووٽ وجهڻ جي حق کي يقيني بڻائي. ايم ڪيو ايم رابطا ڪميٽي.
ڪراچي؛ 29 مئي 2015
متحده قومي موومينٽ جي رابطا ڪميٽي اليڪشن ڪميشن آف پاڪستان کان پرزور مطالبو ڪيو آهي ته اها ڪي پي ڪي ۾ ٿيندڙ مڪاني اليڪشن ۾ عورتن جي آزادي سان گڏو گڏ انهن جي ووٽ وجهڻ جي حق کي به يقيني بڻائي ۽ جيڪي پارٽيون عورتن کي ووٽ کان محروم ڪرڻ جي مڪروھ ۽ غير جمهوري عمل ۾ ملوث آهن انهن تي اليڪشن ۾ حصو وٺڻ تي پابندي لڳائي وڃي. پنهنجي هڪ بيان ۾ رابطا ڪميٽي چيو ته عورتن جي حقن جون تنظيمون ۽ غير ملڪي ميڊيا پنهنجين رپورٽن ۾ لڳاتار ان ڳالھ جو اظهار ڪري رهيون آهن ته ڪي پي ڪي ۾ گهڻن ئي سياسي ۽ مذهبي جماعتن ماضي وانگر هن وقت به پاڻ ۾ ڳٺ جوڙ ڪري صوبي جي گهڻڻ ئي علائقن خصوصن ڏتڙيل علائقن ۾ عورتن کي انهن جي ووٽ جي حق کان محروم ڪرڻ جو فيصلو ڪري ورتو آهي. رابطا ڪميٽي چيو ته ڪي پي ڪي ۾ 43 سيڪڙو ووٽرن جي تعداد عورتن تي ٻڌل آهي ۽ جنهن اليڪشن ۾ ايتري وڏي تعداد ۾ ووٽرن کي ووٽ وجهڻ جي حق کان محروم رکيو وڃي ته ان اليڪشن کي نه ته منصفانه چئي سگهجي ٿو ۽ نه ئي ان کي جمهوري قرار ڏيئي سگهجي ٿو. رابطا ڪميٽي اليڪشن ڪميشن کان مطالبو ڪيو ته ڪي پي ڪي ۾ ووٽنگ جو عمل غيرجانبدار مبصرن ۽ فوج جي نگراني ۾ ڪرايو وڃي ۽ ان ڳالھ کي يقيني بڻايو وڃي ته عورتن سميت صوبي جو هڪ هڪ ووٽر پنهنجي ووٽ وجهڻ جي حق کي ڪنهن به خوف ۽ ڏاڍ کان سواءِ استعمال ڪري سگهي. انهن وڌيڪ چيو ته جنهن اليڪشن ۾ عورتن کي ووٽ وجهڻ جي حق کان محروم رکيو وڃي اتان جي اليڪشن جي نتيجن کي ڪالعدم قرار ڏيئي ڪري غير جانبدار مبصرن جي نگراني ۾ ٻيهر اليڪشن ڪرايا وڃن ۽ جيڪي پارٽيون عورتن کي ووٽ وجهڻ جي حق کان محروم رکڻ جي مڪروھ عمل ۾ ملوث هجن انهن تي اليڪشن ۾ حصو وٺڻ تي پابندي عائد ڪئي وڃي.