ايم ڪيو ايم ميڊيڪل ايڊ ڪميٽي جي مرڪزي ڪميٽي جي ميمبر فريد الدين کي 10 ڏينهن کان پوءِ عدالت ۾ پيش ڪرڻ ايم ڪيو ايم جي خلاف جاري ظلم جي هڪ مثال آهي. ايم ڪيو ايم رابطا ڪميٽي.
ڪراچي؛ 4 جون 2015
متحده قومي موومينٽ جي ميڊيڪل ايڊ ڪميٽي جي ميمبر فريد الدين کي رينجر جي طرفان 10 ڏينهن تائين لاپتا رکڻ کان پوءِ اڄ عدالت ۾ پيش ڪرڻ تي تبصرو ڪندي چيو آهي ته فريد الدين کي غير قانوني طريقي سان حراست ۾ رکڻ ظلم جي هڪ مثال آهي. پنهنجي هڪ بيان ۾ رابطا ڪميٽي چيو ته رينجر فريد الدين کي 25 مئي تي عباسي شهيد اسپتال کان گهر ويندي حراست ۾ ورتو ۽ انهن کي گم ڪري ڇڏيو. انهن جي گهرن وارن ۽ ايم ڪيو ايم پوليس ۽ رينجر جي اعلٰي آفيسرن سان رابطو ڪيو پر انهن جي باري ۾ ڪجھ به نه ٻڌايو ويو. رابطا ڪميٽي چيو ته هن وقت به ايم ڪيو ايم جي ٻن سيڪٽر انچارجن نيو ڪراچي جي سيڪٽر انچارج علي رضا، گلشن اقبال جي سيڪٽر انچارج محمد شاهد ۽ سيڪٽر ڪميٽي جي ميمبر عبيد الله سميت ڪيترائي ڪارڪن لاپتا آهن. رابطا ڪميٽي وزير اعظم ميان نواز شريف، آرمي چيف جنرل راحيل شريف،وزير داخلا چوڌري نثار علي خان ۽ وزير اعلٰي سنڌ سيد قائم علي شاھ کان مطالبو ڪيو ته اهي فريد الدين سميت ايم ڪيو ايم جي ٻين لاپتا ڪارڪنن کي فوري طور تي رها ڪرائين. رابطا ڪميٽي انساني حقن جي تنظيمن کان به مطالبو ڪيو ته اهي ايم ڪيو ايم جي ڪارڪنن کي لاپتا ڪرڻ ۽ انساني حقن جي خلاف ورزين جو نوٽس وٺن ۽ ان جي خلاف آواز بلند ڪن.