ايم ڪيو ايم جي ڪارڪنن جي بغير ڪنهن جواز جي گرفتارين تي ايم ڪيو ايم شعبه اطلاعات جي ترجمان جي طرفان ڳڻتي جو اظهار.
ڪراچي؛ 31 مئي 2015
متحده قومي موومينٽ جي شعبه اطلاعات جي ترجمان گذريل ڪجھ ڏينهن جي دوران ڪراچي جي مختلف علائقن کان ايم ڪيو ايم جي ڪيترن ئي ڪارڪنن ۽ همدردن جي بغير ڪنهن جواز جي گرفتارين تي وڏي ڳڻتي جو اظهار ڪيو آهي. پنهنجي هڪ بيان ۾ ترجمان چيو ته ايم ڪيو ايم جي بي گناھ ڪارڪنن جون بغير ڪنهن جواز جي گرفتاريون روز جو معمول بڻجي چڪو آهي ۽ گذريل ڪجھ ڏينهن جي دوران نارٿ ڪراچي، سرجاني ٽائون، لائينز ايريا، نارٿ ناظم آباد، اورنگي ٽائون ۽ قصبه ڪالوني کان ڪيترن ئي ڪارڪنن ۽ همدردن کي فقط سياسي وابستگي جي ڪري گرفتار ڪيو ويو آهي. ترجمان چيو ته گرفتار ڪيل ڪارڪن ۽ همدرد ڪنهن به قسم جي ڏوهاري سرگرمين ۾ ملوث نه هئا.ترجمان وڌيڪ چيو ته ڪراچي جي مختلف علائقن وانگر نارٿ ناظم آباد نگينه اسڪوائر ۾ به رات نوجوان روڊ تي ڪرڪيٽ کيڏي رهيا هئا، جتي قانون نافذ ڪرڻ وارن ادارن جي اهلڪارن ڪيترن ئي نوجوانن کي حراست ۾ ورتو ۽ اهلڪارن جي پچا ڳاچا تي ايم ڪيو ايم جو 36 ساله همدرد عدنان صديقي دل جو دورو پوڻ جي ڪري فوت ٿي ويو. ترجمان چيو ته سياسي ڪارڪنن کي فقط سياسي وابستگي جي بنياد تي خوف زده ڪرڻ ۽ حراست ۾ وٺڻ جو عمل انتهائي قابل مذمت آهي. ترجمان وزير اعلٰي سنڌ، وزير داخلا سنڌ ۽ ڊي جي رينجر کان مطالبو ڪيو ته اهي ان قسم جي واقعن جو نوٽس وٺن ۽ ڪراچي ۾ جاري ٽارگيٽڊ ايڪشن جي حوالي سان خدشن ۽ شڪايتن کي دور ڪن.