حڪومت جي طرفان تيل اگهن ۾ واڌ جي فيصلي تي ايم ڪيو ايم جي رابطا ڪميٽي جي طرفان مذمت جو اظهار.
ڪراچي؛ پهرين جون 2015
متحده قومي موومينٽ جي رابطا ڪميٽي حڪومت جي طرفان تيل اگهن ۾ واڌ جي فيصلي جي سخت ترين لفظن ۾ مذمت ڪئي آهي ۽ تيل جي اگهن ۾ واڌ جي فيصلي کي غريب عوام تي وڏو ظلم قرار ڏنو آهي. پنهنجي هڪ بيان ۾ رابطا ڪميٽي چيو ته حڪومت تيل اگهن ۾ واڌ ڪري سڄي ملڪ جي عوام تي مهانگائي جو وڌيڪ بار وڌو آهي. پر جڏهن ته هجڻ اهو گهرجي ها ته حڪومت پنهنجن دعوائن جي مطابق تيل اگهن ۾ ڪمي ڪري عوام کي رليف ڏي ها. رابطا ڪميٽي وڌيڪ چيو ته رمضان شريف جي آمد آمد آهي پر ان کان اڳ ئي تيل جي اگهن ۾ واڌ ڪرڻ غيردانشمندانه قدم آهي جنهن سان روز مره جي شين ۾ نه صرف اضافو ٿيندو بلڪه ان جو اثر سنئون سڌو غريب عوام تي ئي پوندو. رابطا ڪميٽي وزير اعظم ميان نواز شريف کان مطالبو ڪيو ته تيل اگهن ۾ واڌ جو فيصلو فوري طور تي واپس ورتو وڃي ۽ حڪومت پنهنجن دعوائن جي مطابق تيل اگهن ۾ عوام کي وڌ کان وڌ رليف فراهم ڪرڻ جي لاءِ قدم کڻي.