متحده قومي موومينٽ ڪينيڊا جي زير اهتمام ڪينيڊا جي ٻن وڏن شهرن ۾ اهم سيمينارن جو انعقاد.
پاڪستان ۾ نون صوبن ۽ انتظامي يونٽن جو قيام ڇو ضروري آهي، جي عنوان تي اهل فڪر جو اظهار خيال.
ڪينيڊا؛ 2 جون 2015
ايم ڪيو ايم ڪينيڊا جي زير اهتمام ڪينيڊا جي ٻن وڏن شهرن ٽورنٽو ۽ مانٽريال ۾ سيمينارن جو انعقاد ڪيو ويو جنهن جو موضوع هو“ پاڪستان ۾ نون انتظامي يونٽن جو قيام ڇو ضروري آهي” انهن تقريبات ۾ عوام وڏي تعداد ۾ شرڪت ڪئي. ان موقعي تي تقريب ۾ موجود شاعرن، اديبن، ليکڪن ۽ ٽيڪنوڪريٽن زور ڏيندي انتظامي يونٽن ۽ نون صوبن کي پاڪستان جي ترقي ۽ خوشحالي جي لاءِ لازمي قرار ڏنو. انهن وڌيڪ چيو ته انتظامي ورهاست سان ملڪ ڪمزور نه بلڪه مضبوط ٿيندو. ان موقعي تي اسڪرين تي هڪ وڊيو به ڏيکاري وئي جنهن ۾ پاڪستان ۽ ٻين ملڪن جي ڀيٽ پيش ڪئي وئي. ان موقعي تي ايم ڪيو ايم ڪينيڊا جي آرگنائيزر آصف قاضي خطاب ڪندي چيو ته نون انتظامي يونٽن جي سلسلي ۾ اڄ ڪينيڊا کان باقائده مهم شروع ڪئي وئي آهي. انهن عوام کي اپيل ڪئي ته اهي پاڪستان جي ترقي جي خاطر ايم ڪيو ايم جو ساٿ ڏين ڇو ته ايم ڪيو ايم صرف صوبي جي نه پر پوري پاڪستان جي ڳالھ ڪري ٿي.