ڪراچي ۾ اردو ڳالهائڻ وارن جي غير قانوني گرفتاري ۽ گم ڪرڻ جو لاپتا ماڻهن جو حڪومتي ڪميشن نوٽس وٺي. ايم ڪيو ايم جي لاپتا ماڻهن جي ڪميٽي جو انچارج بابر انيس.
ڪراچي؛ 2 جون 2015
متحده قومي موومينٽ جي لاپتا ماڻهن جي ڪميٽي جي انچارج بابر انيس حڪومتي ڪميشن برائي لاپتا ماڻهن جي سربراھ جسٽس رٽائرڊ جاويد اقبال ۽ ٻين کي اپيل ڪئي آهي ته اهي ڪراچي ۾ جاري آپريشن جي آڙ ۾ اردو ڳالهائڻ وارن سان ٿيندڙ ظلم کي بند ڪرائين ۽ انهن جي گم ڪرڻ جو سلسلو به ختم ڪرائين. پنهنجي هڪ بيان ۾ انهن چيو ته گذريل ڪجھ مهينن جي دوران قانون نافذ ڪرڻ وارن ادارن جي طرفان 50 کان وڌيڪ اردو ڳالهائڻ وارن نوجوانن کي گم ڪيو ويو آهي، ٻئي طرف اعلٰي عدالتن ۾ قانون نافذ ڪرڻ وارن ادارن جي طرفان لڳاتار معصوم اردو ڳالهائڻ وارن جي گم ڪرڻ کان انڪار ڪيو پيو وڃي جيڪا وڏي ڳڻتي جي ڳالھ آهي. انهن چيو ته ان سلسلي ۾ حڪومت جي طرفان قائم ڪيل انڪوائري ڪميشن برائي لاپتا ماڻهن، ڪراچي جي آفيس کان به ڪوئي خاطر خواھ جواب نه ملڻ جي ڪري 28 مئي 2015 تي هڪ اي ميل جي ذريعي اسلام آباد ۽ ڪراچي آفيسن ۾ 17 ماڻهن جا ڪوائف نامه موڪليا ويا آهن. جڏهن ته ٻيا ڪوائف نامه به جلد موڪليا ويندا. انهن لاپتا ماڻهن جي حڪومتي ڪميشن کي اپيل ڪئي ته اها انهن گم ٿيل اردو ڳالهائڻ وارن کي جلد کان جلد بازياب ڪرائي.