ايم ڪيو ايم ڪينيڊا جي زير اهتمام مختلف شهرن ۾ سانحه صفورا جي شهيدن سان يڪجهتي جي اظهار جي لاءِ تعزيتي ميڙاڪا منعقد ڪيا ويا.
ڪينيڊا؛ 19 مئي 2015
ايم ڪيو ايم ڪينيڊا جي زير اهتمام ڪيلگري، ايڊمنٽن، ٽورنٽو، مونٽريال ۽ ونڊسر ۾ فاتحه خواني جا ميڙاڪا منعقد ڪيا ويا. جن ۾ سانحه صفورا جي شهيدن کي خراج عقيدت پيش ڪيو ويو ۽ انهن جي ياد ۾ ميڻ بتيون روشن ڪيون ويون. ميڙاڪن ۾ ڪارڪنن، شهر جي معزز ماڻهن، ايم ڪيو ايم ڪينيڊا جي سينٽرل آرگنائيزر آصف قاضي ۽ ٻين وڏي تعداد ۾ شرڪت ڪئي. ان موقعي تي آصف قاضي ميڙاڪن کي خطاب ڪندي چيو ته اسماعيلي برادري تي حملو پاڪستان کي ڪمزور ڪرڻ جي هڪ سازش آهي ۽ انهن سازشي عناصر جو مقصد پاڪستان جي سلامتي ۽ استحڪام کي نقصان پهچائڻ آهي. انهن چيو ته هن وقت پاڪستان سنگين قسم جي مسئلن کي منھ ڏيئي رهيو آهي. موجوده حالتن ۾ پاڪستان خصوصي طور تي ڪراچي ۾ دهشت گردي جي عذاب تي قابو پائڻ جي لاءِ قائد تحريڪ جناب الطاف حسين جي هٿن کي مضبوط ڪرڻو پوندو. انهن وڌيڪ چيو ته قائد تحريڪ جناب الطاف حسين جي طرفان اسماعيلي برادري جي روحاني پيشوا پرنس ڪريم آغا خان ۽ پوري دنيا ۾ مقيم اسماعيلي برادري سان دلي تعزيت ۽ همدردي جو اظهار به ڪيو ويو. ان موقعي تي ڪيلگري البرٽا اسيمبلي جي ميمبر عرفان صابر ڳالھ ٻولھ ڪندي چيو ته پاڪستان کان دهشت گردي جي خاتمي جي لاءِ اسان سڀني کي هڪ هنڌ گڏ ٿيڻو پوندو. ان کان پوءِ سمورن شهرن ۾ شهيدن جي لاءِ فاتحه خواني ڪئي وئي ۽ انهن جي ياد ۾ ميڻ بتيون روشن ڪيون ويون. جڏهن ته ميڙاڪن ۾ دهشت گردي جي مڪمل خاتمي جي لاءِ شرڪاء پنهنجن هٿن ۾ احتجاجي نعرن تي ٻڌل پلي ڪارڊ به کنيا هئا.