لياقت آباد جي علائقي غريب آباد جي گهيراءُ، ڇاپن ۽ ايم ڪيو ايم جي ڪارڪنن ۽ همدردن جي گرفتارين تي رابطا ڪميٽي جي طرفان مذمت جو اظهار.
ڪراچي؛ 19 مئي 2015
متحده قومي موومينٽ جي رابطا ڪميٽي پوليس ۽ ٻين قانون نافذ ڪرڻ وارن ادارن جي طرفان لياقت آباد جي علائقي غريب آباد ۾ وڏي پيماني تي ڇاپن ۽ ايم ڪيو ايم جي ڪارڪنن ۽ همدردن جي گرفتارين جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته گذريل هفتي لياقت آباد سيڪٽر جي ڪارڪن خرم کي دهشت گردن فائرنگ ڪري شهيد ڪري ڇڏيو هو. جڏهن ته اورنگي ٽائون ۾ به ايم ڪيو ايم جي ڪارڪن محمد علي کي دهشت گردن شهيد ڪري ڇڏيو هو پر هن مهل تائين انهن جي قاتلن کي گرفتار نه ڪيو ويو آهي. رابطا ڪميٽي چيو ته اڄ صبح سوير لياقت آباد جي علائقي غريب آباد ۾ پوليس ۽ رينجر پوري علائقي جو گهيراءُ ڪري ايم ڪيو ايم جي ڪيترن ئي ڪارڪنن ۽ همدردن کي گرفتار ڪري ورتو آهي.جن ۾ يونٽ 158 جا ڪارڪنَ شفيق صديقي، زاهد اقبال، نديم عظيم، شهزاد مرزٰي، افضال، محمد صغير، محمد وسيم ۽ محمد شوڪت شامل آهن. رابطا ڪميٽي چيو ته ڪارڪن رئيس جي گهر تي به انهن جي نه هجڻ جي ڪري سرڪاري اهلڪارن ڇاپو هڻي انهن جي 13 سالن جي پٽ محسن کي گرفتار ڪري ورتو آهي، جڏهن ته 70 ساله پوڙهي همدرد قمر الدين ۽ ڪمال کي به گرفتار ڪيو ويو آهي. رابطا ڪميٽي وڌيڪ چيو ته پوليس ۽ رينجر ايم ڪيو ايم جي شهيد ڪارڪنن جي قاتلن کي گرفتار ڪرڻ جي بجاءِ ابتڙ ايم ڪيو ايم جي ڪارڪنن ۽ همدردن کي ئي گرفتار ڪري رهي آهي. جنهن مان صاف ظاهر آهي ته آپريشن جي آڙ ۾ صرف ۽ صرف ايم ڪيو ايم کي ئي نشانو بڻايو پيو وڃي. رابطا ڪميٽي مطالبو ڪيو ته وسندين جي گهيراءُ ، ايم ڪيو ايم جي بي گناھ ڪارڪنن ۽ همدردن جي گرفتارين جو سلسلو بند ڪيو وڃي ۽ گرفتار ٿيلن کي فوري طور تي رها ڪيو وڃي.