ڪراچي يونيورسٽي جي رهائشي ڪيمپس مان ايم ڪيو ايم جي چئن ڪارڪنن ۽ لياقت آباد ۽ قصبه ڪالوني کان ايم ڪيو ايم جي ٻن ڪارڪنن جي گرفتاري تي ايم ڪيو ايم رابطا ڪميٽي جي طرفان مذمت جو اظهار.
ايم ڪيو ايم جي بي گناھ ڪارڪنن جي گرفتارين جو سلسلو بند ڪيو وڃي.ايم ڪيو ايم رابطا ڪميٽي.
ڪراچي؛ 20 مئي 2015
متحده قومي موومينٽ جي رابطا ڪميٽي ڪراچي يونيورسٽي جي رهائشي ڪيمپس مان ايم ڪيو ايم جي چئن ڪارڪنن جي گرفتارين جي سخت مذمت ڪئي آهي. پنهنجي هڪ بيان ۾ رابطا ڪميٽي چيو ته ڪراچي آپريشن جي نالي تي شهر جي مختلف علائقن مان ايم ڪيو ايم جي ڪارڪنن جي گرفتارين جو سلسلو جاري آهي. گذريل رات به قانون نافذ ڪرڻ وارن ادارن جي اهلڪارن ڪراچي يونيورسٽي جي رهائشي ڪيمپس ۾ ايم ڪيو ايم جي ڪارڪنن جي گهرن تي ڇاپو هنيو ۽ معمار سيڪٽر اسڪيم 33 يونٽ جي ڪارڪنن شاهد ولد عبدالرشيد، ذيشان امين ولد امين الدين، محمد عدنان حبيب ۽ انهن جي ڀاءُ فيضان حبيب کي گرفتار ڪري ورتو. رابطا ڪميٽي وڌيڪ چيو ته رينجر لياقت آباد کان به ايم ڪيو ايم جي ڪارڪن عدنان ولد عبدالوحيد ۽ قصبه علي ڳڙھ کان محمد امجد جميل کي گرفتار ڪري ورتو آهي. رابطا ڪميٽي ڪارڪنن جي گرفتارين جي سخت مذمت ڪندي چيو ته هن مهل تائين ايم ڪيو ايم جي ڪنهن به شهيد ڪارڪن جي قاتل کي گرفتار نه ڪيو ويو آهي پر ابتڙ ڪارڪنن کي ئي گرفتار ڪيو پيو وڃي. رابطا ڪميٽي مطالبو ڪيو ته ايم ڪيو ايم جي بي گناھ ڪارڪنن جي گرفتارين جو سلسلو بند ڪيو وڃي ۽ گرفتار ٿيلن کي رها ڪيو وڃي.