رابطا ڪميٽي ميمبر ڪنور نويد جميل جي واٽر بورڊ جي چيف انجنيئر سان ملاقات.
ڪراچي؛ 16 مئي 2015
حق پرست ايم اين اي ۽ رابطا ڪميٽي ميمبر ڪنور نويد جميل چيف انجنيئر سان گلبرگ ٽائون آفيس ۾ ملاقات ڪئي، ميٽنگ ۾ اسيمبلي ميمبرن عبدالوسيم، سفيان يوسف، ريحان هاشمي، انور رضا، جمال احمد ، وسيم قريشي ۽ واٽر بورڊ جي آفيسرن به شرڪت ڪئي. ڪنور نويد جميل واٽر بورڊ جي چيف انجنيئر سان ڳالھ ٻولھ ڪندي چيو ته عوام شڪايت ڪري رهيا آهن ته ڪتيرائي ڏينهن گذري وڃن ٿا پر شهر ۾ پاڻي نه پيو ڏنو وڃي ۽ جڏهن پاڻي جي سپلائي کولي وڃي ٿي ته ان ۾ مضر صحت پاڻي ڇڏيو وڃي ٿو، جنهن جي ڪري پيٽ جون بيماريون ٿيڻ جو خطرو آهي. انهن وڌيڪ چيو ته حڪومت کي گهرجي ته اها ڪي فور منصوبي کي فوري طور تي شروع ڪرائي ۽ ان منصوبي ۾ حائل رڪاوٽن کي به فوري طور تي دور ڪري. ڪنور نويد جميل واٽر بورڊ جي اعلٰي آفيسرن کي چيو ته جيڪڏهن اوهان عوام سان تعاون نه ڪيو ته اسان پاڻي جي چوري ۽ پاڻي جي ڪمي جي لاءِ نيب ۽ عدالت سان رجوع ڪنداسين ۽ عوام سان گڏجي ڪري احتجاج به ڪنداسين. ان موقعي تي چيف انجنيئر واٽر بورڊ ڪنور نويد جميل کي پاڻي جي ڪمي جي مسئلي کي حل ڪرڻ ۽ شڪايتن جي فوري ازالي جي لاءِ پنهنجي مڪمل تعاون جي خاطري به ڪرائي.