ايم ڪيو ايم اورنگي ٽائون يونٽ 118 اي جي شهيد ڪارڪن محمد علي کي سوين آلين اکين سان گڏ مٽي ماءُ حوالي ڪيو ويو.
ڪراچي؛ 14 مئي 2015
اورنگي ٽائون سيڪٽر يونٽ 118 اي جي ڪارڪن محمد علي کي سوين آلين اکين سان گڏ اورنگي ٽائون جي قبرستان ۾ مٽي ماءُ حوالي ڪيو ويو. ان کان اڳ شهيد جي جنازي نماز سڪينه مسجد ۾ ادا ڪئي وئي. جنازي نماز ۽ تدفين ۾ ايم ڪيو ايم جي رابطا ڪميٽي جي انچارج ڪيف الورٰي، اسيمبلي ميمبرن ۽ سيڪٽر و يونٽ ڪميٽي جي ذميوارن کان علاوه ڪارڪنن ۽ شهيد جي مٽن مائٽن وڏي تعداد ۾ شرڪت ڪئي. تدفين کان پوءِ قومي اسيمبلي جي ميمبر محبوب عالم ميڊيا سان ڳالھ ٻولھ ڪندي چيو ته دهشت گردي ڀلي ڪهڙي به شڪل ۾ هجي ان جو خاتمو ٿيڻ گهرجي. انهن چيو ته اسان جڏهن به دهشت گردي جي خاتمي جي ڳالھ ڪريون ٿا ته اسان جي ساٿين جي ٽارگيٽ ڪلنگ شروع ٿي وڃي ٿي. انهن چيو ته محمد علي شهيد گذريل رات پنهنجي گهر واري سان گڏ پنهنجي پٽ جي دوا وٺڻ جي لاءِ نڪتا ئي هئا ته انهن جي ٽارگيٽ ڪلنگ ٿي وئي. انهن چيو ته جيستائين اسان جي جسم ۾ رت جو آخري ڦڙو آهي اسان پنهنجي قائد جو ساٿ ڏيندا رهنداسين. انهن وزير اعلٰي سنڌ سيد قائم علي شاھ کان سوال ڪيو ته آخر ڪهڙو سبب آهي جو هن شهر ۾ قتل ٿيندڙ هر شخص جي قاتلن کي صرف ايم ڪيو ايم ۾ تلاش ڪيو وڃي ٿو. پر جڏهن ته ايم ڪيو ايم جي شهيدن جا قاتل اڄ تائين به نه پڪڙيا ويا آهن. انهن وڌيڪ چيو ته اسان جي ساٿين کي صرف ان جي ڪري شهيد ڪيو پيو وڃي ته جيئن اسان حق پرستانه جدوجهد کي ڇڏي ڏيون. پر اسان اها جدوجهد نه ڇڏينداسين. انهن مطالبو ڪيو ته محمد علي شهيد جي قاتلن کي گرفتار ڪري انهن کي سخت ترين سزا ڏني وڃي.