قائمه ڪميٽي برائي داخلا و انسداد منشيات جو اڱاري تي ٿيندڙ اجلاس ڪراچي ۾ گهرايو وڃي. حق پرست ميمبر قومي اسيمبلي آصف حسنين.
اسلام آباد؛ 14 مئي 2015
حق پرست ميمبر قومي اسيمبلي آصف حسنين چيو آهي ته قائمه ڪميٽي برائي داخلا و انسداد منشيات جو اڱاري تي ٿيندڙ اجلاس ڪراچي ۾ گهرايو وڃي ۽ اجلاس ۾ وفاقي ۽ صوبائي سيڪريٽريز داخلا، ڊي جي رينجر ۽ آئي جي پوليس سنڌ قائمه ڪميٽي جي ميمبرن کي سانحه صفورا تي بريفنگ ڏين. انهن خيالن جو اظهار انهن قومي اسيمبلي جي قائمه ڪميٽي برائي داخلا و انسداد منشيات جي اجلاس ۾ پوائنٽ آف آرڊر تي ڳالھ ٻولھ ڪندي ڪيو. آصف حسنين وڌيڪ چيو ته صفورا ڳوٺ ۾ اسماعيلي برادري جي بس تي دهشت گردي جو واقعو انتهائي افسوسناڪ ۽ ناقابل فراموش سانحو آهي. جنهن جي جيتري به مذمت ڪئي وڃي اها گهٽ آهي. انهن چيو ته اسماعيلي برادري هڪ پرامن برادري آهي ۽ ان پاڪستان جي معيشت جي ترقي ۾ اهم ڪردار ادا ڪيو آهي.