سانحه صفورا ڳوٺ ۾ شهيد ٿيندڙ اسماعيلي برادري جي ماڻهن جي تدفين جي موقعي تي سخي حسن قبرستان جي ٻاهران ڪي ڪي جي طرفان ڪيمپ لڳايو ويو.

ڪراچي؛ 14 مئي 2015 

             متحده قومي موومينٽ جي فلاحي اداري ڪي ڪي ايف جي زير اهتمام سانحه صفورا ۾ شهيد ٿيندڙ اسماعيلي برادري جي ماڻهن جي تدفين جي موقعي تي سخي حسن قبرستان جي ٻاهران ڪيمپ لڳايو ويو. جتي ايم ڪيو ايم جي رابطا ڪميٽي جي ميمبرن ڊاڪٽر خالد مقبول صديقي، عبدالحسيب ، عظيم فاروقي ۽ اسيمبلي ميمبرن جنازي نماز جي شرڪاء جي رهنمائي ڪئي ۽ انهن کي پاڻي به پياريو. ان کان پوءِ ڊاڪٽر خالد مقبول صديقي ميڊيا سان ڳالھ ٻولھ ڪندي چيو ته سانحه صفورا هڪ وڏو سانحو آهي ۽ ان ۾ ملوث دهشت گردن ظلم جي انتها ڪري ڇڏي آهي.انهن چيو ته اسان اسلام آباد اي پي سي ۾ چيو ته وزير اعظم صاحب اوهان اسان سان گڏجي ڪري ڪراچي هلو، جنهن تي وزير اعظم صاحب ڪراچي آيا ۽ ان تي اسان انهن جا ٿورائتا آهيون. انهن چيو ته ڪراچي ۾ گهڻيون ئي شيون حقيقت جي روشني ۾ ڪرڻ جي ضرورت آهي. صفورا ڳوٺ ۾ جيڪو ڪجھ ٿيو آهي ان مان واضع ٿي ويو آهي ته ڪراچي ڪيتري وڏي خطري ۾ آهي. انهن چيو ته دهشت گردن کي ڳولڻ جي ضرورت نه آهي، انهن پنهنجيون وڏيون وڏيون آباديون قائم ڪري ڇڏيون آهن ۽ اها سڀني کي خبر آهي. هاڻي ڪراچي ۾ دهشت گردن جي خلاف ڀرپور آپريشن ڪرڻ جي سخت ضرورت آهي. انهن چيو ته وزير اعلٰي سنڌ سيد قائم علي شاھ ٻڌائين ته اهي دهشت گردن کي پڪڙڻ ۾ ڇو ناڪام ٿي رهيا آهن انهن کي گهرجي ته اهي پنهنجي ان ناڪامي تي اسٽعيفٰي ڏيئي ڇڏين. انهن وڌيڪ چيو ته پابندي وڌل تنظيمن سڄي ملڪ ۾ پنهنجيون پاڙون مضبوط ڪري ڇڏيون آهن ۽ اهي دهشت گردي جا واقعا ان ڳالھ جو واضع ثبوت آهن. انهن وڌيڪ چيو ته سانحه صفورا ڳوٺ وفاقي ۽ صوبائي حڪومتن جي ڪارڪردگي جو پول کولي ڇڏيو آهي ۽ دهشت گردي جي خاتمي جي لاءِ انهن جون سموريون دعوائون ڪوڙيون ثابت ٿيون آهن. ان موقعي تي خواجه اظهار الحسن ميڊيا سان ڳالھ ٻولھ ڪندي چيو ته اسماعيلي برادري جا ماڻهو پرامن ماڻهو آهن ۽ اهي پاڪستان سميت سڄي دنيا ۾ پرامن طريقي سان رهن ٿا.