ايم ڪيو ايم جي رابطا ڪميٽي جي سينيئر ڊپٽي ڪنوينر نديم نصرت جي آغا خان ڪميونٽي جي رهنما عزيز رفيق سان فون تي ڳالھ ٻولھ.
نديم نصرت سانحه صفورا ۾ اسماعيلي ڪميونٽي جي معصوم ۽ بي گناھ ماڻهن جي شهادت تي تعزيت جو اظهار ڪيو.
لنڊن؛ 13 مئي 2015
متحده قومي موومينٽ جي رابطا ڪميٽي جي سينيئر ڊپٽي ڪنوينر نديم نصرت پاڪستان ۾ آغا خاني ڪميونٽي جي رهنما عزيز رفيق سان فون تي سانحه صفورا ۾ اسماعيلي ڪميونٽي جي معصوم ۽ بي گناھ ماڻهن جي شهادت تي تعزيت جو اظهار ڪيو. نديم نصرت چيو ته ڪراچي ۾ پيش ايندڙ اهو واقعو هڪ قومي سانحو آهي، جنهن تي پوري قوم غمزده ۽ سوگوار آهي. ان سانحي تي قائد تحريڪ جناب الطاف حسين ۽ ايم ڪيو ايم جا تمام ذميوار ۽ ڪارڪن شهيدن جي سوگوار پونئرن سميت پوري اسماعيلي ڪميونٽي جي ڏک ۾ برابر جا شريڪ آهن. انهن عزيز رفيق کي چيو ته ايم ڪيو ايم ان سانحي جي متاثرن جي مدد جي لاءِ هر قسم جو تعاون ڪرڻ جي لاءِ تيار آهي. عزيز رفيق ڏک جي ان گهڙي ۾ اظهار يڪجهتي ڪرڻ تي ايم ڪيو ايم جي قيادت جو شڪريو ادا ڪيو ۽ چيو ته ان موقعي تي پوري قوم کي هڪ آواز ٿيڻ گهرجي.