ڪراچي ۾ بجلي جي لوڊشيڊنگ جي ٽائيم کان علاوه ٻين وقتن تي شهرين کي بجلي جي فراهمي ۾ تعطل تي ايم ڪيو ايم جي اسيمبلي ميمبرن جي طرفان ڳڻتي جو اظهار.
ڪراچي؛ 12 مئي 2015
متحده قومي موومينٽ جي اسيمبلي ميمبرن ڪراچي ۾ بجلي جي لوڊشيڊنگ کان علاوه ٻين وقتن تي شهرين کي بجلي جي فراهمي ۾ تعطل تي وڏي ڳڻتي جو اظهار ڪيو آهي. پنهنجي هڪ گڏيل بيان ۾ انهن چيو ته شهر جي مختلف علائقن ۾ لوڊشيڊنگ کان علاوه مينٽيننس ۽ فالٽ جي ڪري به بجلي جي فراهمي متاثر ٿي رهي آهي. جنهن سان شهرين کي سخت مشڪلاتن جو سامنو آهي. انهن چيو ته اصولي طور تي مينٽيننس جو ڪم سياري ۾ ڪيو وڃڻ گهرجي ته جيئن اونهاري جي منڌ ۾ جڏهن بجلي جي طلب وڌي وڃي ٿي ته فالٽ گهٽ کان گهٽ هجي. انهن چيو ته بجلي جي فراهمي ۾ ناقص منصوبه بندي جي ڪري ڪراچي جا شهري لوڊشيڊنگ جي ٻٺي عذاب جو شڪار آهن. انهن چيو ته ڪي اليڪٽرڪ جي انتظاميه فالٽ فوري طور تي دور ڪرڻ جي لاءِ ضروري قدم کڻي ۽ مينٽيننس جي ڪم جي لاءِ صحيح منصوبه بندي ڪري ته جيئن عوام کي بجلي جي لوڊشيڊنگ جي عذاب کان نجات ملي سگهي.