هري پور ۾ تحريڪ انصاف جي ضلع ڪائونسل جي اميدوار جاويد خان جدون جي مٿان حملو، انهن جي 6 محافظن جي هلاڪ ٿيڻ جو واقعو کليل دهشت گردي آهي. بيرسٽر محمد علي سيف.
پشاور؛ 8 مئي 2015
متحده قومي موومينٽ خيبرپختونخواھ جي صدر و سينيٽر بيرسٽر محمد علي سيف ڪي پي ڪي جي شهر هري پور ۾ تحريڪ انصاف ضلع ڪائونسل جي اميداور جاويد خان جدون تي دهشت گردن جي حملي ۽ ان جي نتيجي ۾ 6 محافظن جي هلاڪ ٿيڻ جي واقعي جي سخت ترين لفظن ۾ مذمت ڪئي آهي ۽ ان واقعي کي کليل دهشت گردي قرار ڏنو آهي. پنهنجي هڪ بيان ۾ انهن چيو ته ڪي پي ڪي دهشت گردي جو سڀني کان وڏو ڳڙھ بڻيل آهي، جتي هڪ طرف ته هر روز فوج، ايف سي ۽ پوليس جي مٿان حملا ٿي رهيا آهن ۽ ٻئي طرف سياسي رهنمائن، واپارين ۽ دڪاندارن جي گهرن تي به دستي بمن سان حملا ڪيا پيا وڃن. انهن چيو ته گذريل پوين ڏينهن ۾ به آفتاب شير پائو جي قافلي تي خودڪش حملو ٿيو هو ۽ اڄ جاويد خان جدون تي حملو ٿيو آهي. بيرسٽر محمد علي سيف چيو ته ڪي پي ڪي ۾ ٿيندڙ دهشت گردي، قتل و غارتگري، دستي بمن سان حملن ۽ ڏوهن جي وارداتن مان صاف ظاهر آهي ته تحريڪ انصاف جي صوبائي حڪومت ڪي پي ڪي ۾ دهشت گردي ۽ ڏوهن جي خاتمي ۾ مڪمل طور تي ناڪام ٿي چڪي آهي. انهن وڌيڪ چيو ته جيڪا حڪومت پنهنجن عهديدارن ۽ رهنمائن کي تحفظ ڏيئي نه ٿي سگهي ته اها ٻين کي تحفظ ڪيئن فراهم ڪري سگهي ٿي.