هيلي ڪاپٽر ڪريش ليڊنگ جي حادثي ۾ غير ملڪي سفيرن ۽ انهن جي گهر وارين جي هلاڪت ۽ زخمي ٿيڻ تي فلپائن، ملائشيا، ناروي ۽ انڊونيشيا جي حڪومتن، عوام ۽ هلاڪ ٿيندڙ ماڻهن جي سوگوار پونئرن سان جناب الطاف حسين جي طرفان افسوس جو اظهار.
لنڊن؛ 8 مئي 2015
متحده قومي موومينٽ جي قائد جناب الطاف حسين گلگت بلتستان جي وادي نلتر ۾ هيلي ڪاپٽر جي ڪريش ليڊنگ جي حادثي ۾ ناروي ۽ فلپائن جي سفيرن ۽ ملائشيا ۽ انڊونيشيا جي سفيرن جي گهر وارين جي هلاڪت ۽ ٻين جي زخمي ٿيڻ تي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ انهن فرمايو ته هيلي ڪاپٽر جي ڪريش ليڊنگ جي حادثي ۾ غير ملڪي سفيرن ۽ انهن جي گهر وارين جو هلاڪ ٿيڻ سمورن پاڪستانين جي لاءِ وڏي صدمي جو ڪارڻ آهي ۽ ان حادثي ۾ ٿيندڙ جاني نقصان جي تلافي نا ممڪن آهي. انهن ناروي، فلپائن، ملائشيا ۽ انڊونيشيا جي حڪومتن ، عوام ۽ هلاڪ ٿيندڙ ماڻهن جي سوگوار پونئرن سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ فرمايو ته ڏک جي ان گهڙي ۾ مون سميت ايم ڪيو ايم جا تمام ڪارڪن ۽ هر پاڪستاني اوهان جي ڏک ۾ برابر جو شريڪ آهي. انهن ڪريش ليڊنگ ۾ زخمي ٿيندڙ مهمانن جي جلد و مڪمل صحتيابي جي لاءِ دعا به ڪئي.