ڪجھ ميڊيا چينلن تي نشر ٿيندڙ خبر ۾ ايم ڪيو ايم جي ميمبر قومي اسيمبلي خواجه سهيل منصور تي لڳايل الزام قابل مذمت آهي. ايم ڪيو ايم رابطا ڪميٽي.
خواجه سهيل منصور هڪ سينيئر ۽ معزز صنعتڪار آهن جيڪي باقائده هر سال انڪم ٽيڪس به ادا ڪن ٿا. رابطا ڪميٽي.
ڪراچي؛ 5 مئي 2015
متحده قومي موومينٽ جي رابطا ڪميٽي ڪجھ ميڊيا چينلن تي نشر ٿيندڙ خبر ۾ ايم ڪيو ايم جي ميمبر قومي اسيمبلي خواجه سهيل منصور تي لڳايل الزامن جي سخت ترين لفظن ۾ مذمت ڪئي آهي.پنهنجي هڪ بيان ۾ رابطا ڪميٽي چيو ته خواجه سهيل منصور ايم ڪيو ايم جا ميمبر قومي اسيمبلي ئي نه پر هڪ سينيئر ۽ معزز صنعتڪار به آهن جيڪي باقائده هر سال پنهنجي آمدني تي انڪم ٽيڪس به ادا ڪن ٿا. انهن کي پاڪستان ۾ سڀني کان وڌيڪ ٽيڪس ادا ڪرڻ واري قومي اسيمبلي جي ميمبر جي حيثيت سان وفاق پاڪستان جي طرفان ستاره امتياز سان به نوازيو ويو هو. خواجه سهيل منصور تي ڪرپشن جو ڪوئي به داغ نه آهي. اهي هڪ سيلف ميڊ بزنس مين آهن ۽ انهن پنهنجي سالن جي ڏينهن رات جي محنت سان پنهنجي ڪاروبار کي وسيع ڪيو. پنهنجي محنت ۽ ايمانداري جي ڪري اهي ڪيترن ئي ادارن جا بورڊ آف ٽرسٽي ۽ بورڊ جا ميمبر به رهيا. انهن جي قانون پسندي اها آهي ته انهن جي خلاف اڄ تائين موٽر سائيڪل جو چالان به نه ٿيو. اهڙي صاف ۽ سٿري ڪردار جي مالڪ تي واپارين کان ڀتي وٺڻ جو الزام عائد ڪرڻ انتهائي افسوسناڪ ئي نه بلڪه قابل مذمت به آهي. رابطا ڪميٽي چيو ته ان الزام تراشي جي ذريعي خواجه سهيل منصور کي بدنام ڪرڻ ۽ انهن جي ڪردار ڪشي جي ڪوشش ڪئي وئي ۽ خواجه سهيل ان الزام تراشي ۽ ڪردار ڪشي تي قانوني ڪاروائي ڪرڻ جو حق به محفوظ رکن ٿا.