قومي اسيمبلي جي قائمه ڪميٽي برائي دفاع ۽ پنجاب اسيمبلي جي طرفان قائد تحريڪ جناب الطاف حسين جي خلاف قراردادن تي ايم ڪيو ايم جي رابطا ڪميٽي جي طرفان مذمت جو اظهار.
لنڊن؛ 5 مئي 2015
متحده قومي موومينٽ جي رابطا ڪميٽي پاڪستان ۽ لنڊن قومي اسيمبلي جي قائمه ڪميٽي برائي دفاع ۽ پنجاب اسيمبلي جي طرفان قائد تحريڪ جناب الطاف حسين جي خلاف قراردادن جي مذمت ڪندي چيو آهي ته جيڪڏهن قومي اسيمبلي جي قائمه ڪميٽي برائي دفاع جي ميمبرن ۾ ذري برابر به غيرت ۽ شرم آهي ته اهي جواب ڏين ته انهن هن مهل تائين عمران خان جي خلاف ڪا قرارداد منظور ڇو نه ڪئي ، جنهن واضع لفظن ۾ چيو هو ته جيڪڏهن 20 هزار ماڻهو روڊن تي نڪري اچن ته هنن جنرلن جو پيشاب نڪري اچي، اهي جنرل ايترا ته بزدل هوندا آهن. ڇا عمران خان جو جنرلن کي گاريون ڏيڻ ۽ انهن کي بزدل چوڻ جائز آهي. عمران خان جي ان بيهوده تقرير تي قائمه ڪميٽي برائي دفاع ۽ پنجاب اسيمبلي جي ميمبرن جي غيرت ڪٿي آهي. عمران خان جي جنرلن جي خلاف تقرير تي انهن جي فوج سان محبت ڪيڏانهن وئي. رابطا ڪميٽي سوال ڪيو ته قائمه ڪميٽي برائي دفاع جواب ڏيئي ته ان موجوده وزير دفاغ خواجه آصف جي خلاف ڪهڙي قرارداد منظور ڪئي جنهن قومي اسيمبلي جي ايوان ۾ فوج جي خلاف انتهائي بيهوده ۽ چڙ ڏياريندڙ تقرير ڪئي هئي. قائد تحريڪ جناب الطاف حسين جي تقرير تي پنهنجي نفرت ۽ تعصب جو مظاهرو ڪرڻ واري قائمه ڪميٽي ۽ پنجاب اسيمبلي جماعت اسلامي جي سابق امير منور حسن جي خلاف ڪهڙي قرارداد منظور ڪئي، جن فوج ۽ سرڪاري ايجنسين جي خلاف بيهوده خيالن جو اظهار ڪيو هو. رابطا ڪميٽي چيو ته اڄ قائد تحريڪ جناب الطاف حسين جي تقرير تي واويلا مچائڻ وارن کي نه ڪالھ فوج جي عزت جو خيال هو ۽ نه اڄ آهي. بلڪه اهي تمام ماڻهو ته صرف ۽ صرف ايم ڪيو ايم سان پنهنجي ازلي نفرت ۽ تعصب جي بنياد تي اهو سڀ ڪجھ ڪري رهيا آهن.