قائدتحريڪ جناب الطاف حسين ڪڏهن به فوجي جنرلن کي بزدل نه چيو آهي. ايم ڪيو ايم رابطا ڪميٽي.
عمران خان جي ويڊيو موجود آهي جنهن ۾ انهن چيو هو ته جيڪڏهن 20 هزار ماڻهو روڊن تي نڪري اچن ته انهن جنرلن جو مٽ وهي اچي، اهي جنرل ايترا ته بزدل هوندا آهن.رابطا ڪميٽي.
لنڊن؛ 5 مئي 2015
متحده قومي موومينٽ جي رابطا ڪميٽي چيو آهي ته قائد تحريڪ جناب الطاف حسين جي بيان تي واويلا مچائڻ وارا اينڪر پرسن ۽ تجزيه نگار تعصب ۽ نفرت جو مظاهرو ڪري رهيا آهن. پنهنجي هڪ بيان ۾ رابطا ڪميٽي چيو ته ٽي وين جا اينڪر پرسن ۽ تجزيه نگار تعصب ۽ نفرت جو مظاهرو ڪندي قائد تحريڪ جناب الطاف حسين جي بيان تي جيترو به چاهين واويلا مچائين پر اهي قوم کي جواب ڏين ته تحريڪ انصاف جي سربراھ عمران خان جي طرفان پاڪ فوج کي گاريون ڏيڻ تي انهن جون زبانون ڇو خاموش آهن؟ رابطا ڪميٽي چيو ته وڊيو ثبوت جي صورت ۾ عمران خان جو اهو بيان ريڪارڊ تي موجود آهي. جنهن ۾ انهن چيو هو ته جيڪڏهن 20 هزار ماڻهو روڊن تي نڪري اچن ته انهن جنرلن جو مُٽ وهي اچي، اهي جنرل ايترا ته بزدل هوندا آهن. رابطا ڪميٽي چيو ته جناب الطاف حسين ڪڏهن به ڪنهن جنرل کي بزدل نه چيو آهي پر پاڪ فوج جي خلاف عمران خان جا شرانگيز خيال پوري قوم جي سامهون آهن. رابطا ڪميٽي چيو ته جنرلَ پوري فوج جا نمائندا هوندا آهن ۽ تحريڪ انصاف جي سربراھ عمران خان جنرلن کي بزدل قرار ڏيئي ڪري پوري پاڪستاني فوج کي گاريون ڏنيون پر ڪنهن به اينڪر پرسن ۽ تجزيه نگار ۾ ايتري همت نه ٿي جو اهي پاڪ فوج جي خلاف عمران خان جي نفرت انگيز بيان جو نوٽس وٺن ۽ انهن جي خلاف احتجاج ڪن.