متحده قومي موومينٽ جي زير اهتمام ايم ڪيو ايم جي سابق چيئرمين عظيم احمد طارق شهيد جي 22 هين ورسي ڪراچي سميت سڄي ملڪ ۾ وڏي عقيدت ۽ احترام سان ملهائي وئي.
ڪراچي؛ پهرين مئي 2015
متحده قومي موومينٽ جي زير اهتمام ايم ڪيو ايم جي سابق چيئرمين عظيم احمد طارق شهيد جي 22 هين ورسي ڪراچي سميت سڄي ملڪ ۾ وڏي عقيدت ۽ احترام سان ملهائي وئي. ان سلسلي جو مرڪزي پروگرام لال قلعه گرائونڊ عزيز آباد ۾ منعقد ڪيو ويو، جنهن ۾ رابطا ڪميٽي انچارج ڪيف الورٰي ، رابطا ڪميٽي ميمبرن ڊاڪٽر خالد مقبول صديقي، عارف خان ايڊووڪيٽ، عبدالحسيب، گلفراز خان خٽڪ، آنسه ممتاز، سينيٽرن، اسيمبلي ميمبرن ، شعبن جي ميمبرن ، ڪارڪنن ۽ همدردن وڏي تعداد ۾ شرڪت ڪئي، ان موقعي تي حق پرست سينيٽر مولانا تنوير الحق ٿانوي عظيم احمد طارق شهيد سميت سمورن شهيدن جي بلند درجات، اسير ڪارڪنن جي جلد رهائي، پونئرن جي لاءِ صبر جميل، ايم ڪيو ايم جي خلاف سازشن جي خاتمي ۽ قائد تحريڪ جناب الطاف حسين جي صحت و تندرستي سميت وڏي عمر جي لاءِ به دعائون ڪرايون.ان کان علاوه پنجاب، خيبرپختونخواھ، بلوچستان، گلگت بلتستان ۽ آزاد ڪشمير ۾ به فاتحه خواني جا اجتماع منعقد ڪيا ويا.