آئي بي او اِي جي غريب رٽائر پورهيتن جي پينشنن ۾ 2014 جي بجيٽ جي مطابق اضافو ڪيو وڃي. ايم ڪيو ايم رابطا ڪميٽي.
بجيٽ جي اندر پينشن ۾ 6000 هزار روپين جي واضع اعلان جي باوجود نوٽيفيڪيشن جاري نه ڪيو ويو آهي.
ڪراچي؛ 30 اپريل 2015
متحده قومي موومينٽ جي رابطا ڪميٽي مطالبو ڪيو آهي ته آئي بي او اِي جي غريب پورهيتن جي پينشن ۾ 2014 جي بجيٽ جي مطابق اضافو ڪيو وڃي ۽ رٽائر ملازمن سان ناانصافين جو سلسلو بند ڪيو وڃي. پنهنجي هڪ بيان ۾ رابطا ڪميٽي چيو ته 2014 جي سالانه بجيٽ ۾ وفاقي حڪومت آئي بي او اِي جي رٽائر ملازمن جي پينشنن ۾ 6000 هزار روپيا اضافو ڪرڻ جو واضع اعلان ڪيو هو پر ان جي باوجود حڪومت جي طرفان پينشنن ۾ اضافي جو نوٽيفيڪيشن جاري نه ڪيو ويو آهي. جنهن جي ڪري پورهيتن ۾ سخت بي چيني پاتي وڃي ٿي ۽ مهانگائي جي ان دور ۾ انهن کي مشڪلاتن ۽ پريشانين جو سامنو آهي. رابطا ڪميٽي وزير اعظم ميان محمد نواز شريف ۽ وفاقي حڪومت کان مطالبو ڪيو ته حڪومتي اعلان جي باوجود آئي او بي اِي جي پينشنن ۾ 6000 هزار روپين جي اضافي نه ڪرڻ جو نوٽس ورتو وڃي ۽ رٽائر ملازمن جي پينشنن ۾ 6000 هزار روپين جو اضافو ڪيو وڃي.