پورهيتن جي عالمي ڏينهن جي موقعي تي ايم ڪيو ايم جي قائد جناب الطاف حسين جي طرفان پاڪستان سميت سڄي دنيا جي پورهيتن کي زبردست خراج تحسين پيش.
لنڊن؛ 30 اپريل 2015
متحده قومي موومينٽ جي قائد جناب الطاف حسين پورهيتن جي عالمي ڏينهن جي موقعي تي پاڪستان سميت سڄي دنيا جي پورهيتن کي زبردست خراج تحسين پيش ڪيو آهي. جناب الطاف حسين پورهيتن جي نالي پنهنجي هڪ خصوصي پيغام ۾ فرمايو ته پورهيت طبقو ڪنهن به ملڪ جي ترقي ۾ ڪرنگهي جي هڏي جي حيثيت رکندو آهي ۽ اهو ئي سبب آهي ته دنيا جي تمام ترقي يافته ملڪن ۽ معاشرن ۾ پورهيتن کي خاص اهميت ڏني ويندي آهي. انهن فرمايو ته پاڪستان ۾ اڪثريت پورهيت طقبي سان تعلق رکي ٿي جيڪا پنهنجو رت ۽ پگهر وهائي ڪري پاڪستان جي ترقي ۾ اهم ڪردار ادا ڪري رهي آهي پر بدقسمتي سان اسان جي ملڪ ۾ گذريل 67 سالن جي دوران ڪنهن به حڪومت پورهيتن کي جائز حق فراهم ڪرڻ جي لاءِ ڪي به ٺوس قدم نه کنيا آهن. انهن فرمايو ته هر سال عالمي سطح تي ملهايو ويندڙ پورهيتن جو عالمي ڏينهن پاڪستان جي مزدورن کي انهن جا جائز حق فراهم ڪرڻ جو اعادو ڪن ڪن ٿا. پر اسان ان ڏينهن جي اصل پيغام کي اڄ تائين سمجهي نه سگهيا آهيون. جناب الطاف حسين فرمايو ته حڪومت پورهيتن جي پگهارن ۾ اصافو ڪري ته جيئن ملڪ جي ترقي ۾ اهي وڌيڪ سهڻي طريقي سان پنهنجو ڪردار ادا ڪري سگهن.