تحريڪ صوبي هزاره جي قائد ۽ بزرگ رهنما بابا حيدر زمان جو ايم ڪيو ايم جي قائد جناب الطاف حسين کي فون.
نون صوبن جي قيام جي آواز اٿارڻ تي هزاره وال عوام جي طرفان انهن جو شڪريو ادا ڪيو.
مان هميشه مظلوم هزاري وال عوام سان گڏ آهيان ۽ چاهيان ٿو ته هزاره صوبو بڻايو وڃي. قائد تحريڪ جناب الطاف حسين.
لنڊن؛ 29 اپريل 2015
تحريڪ صوبا هزاره جي قائد ۽ بزرگ رهنما بابا حيدر زمان ايم ڪيو ايم جي قائد جناب الطاف حسين کي فون ڪري نون صوبن جي قيام جي آواز اٿارڻ تي هزاري وال عوام جي طرفان انهن جو شڪريو ادا ڪيو. بابا حيدر زمان چيو ته ملڪ ۾ نون صوبن جي قيام جي حوالي سان اوهان جيڪو موقف اختيار ڪيو آهي. اهو حقيقت پسندانه آهي ۽ اسان ان معاملي ۾ دامي، درمي، قدمي ۽ سخني اوهان سان گڏ آهيون. بابا حيدر زمان جناب الطاف حسين کي چيو ته اسان ته چئون ٿا ته سڀني کان پهرين ڪراچي کي صوبو بڻايو وڃي.اها اتان جي عوام جي ڊمانڊ آهي. اهڙي طرح هزاره صوبو بڻايو وڃي. سرائيڪي صوبو بڻايو وڃي. عوام پاڪستان ۾ نون صوبن جو قيام چاهين ٿا. بابا حيدر زمان جناب الطاف حسين کي چيو ته هزاره صوبي جي قيام جي لاءِ هزاره وال عوام وڏيون قربانيون ڏنيون آهن ۽ اوهان هزاره صوبي جي ڳالھ ڪري هزاري وال عوام جا دل کٽي ورتا آهن ۽ اسان اوهان جا شڪر گذار آهيون. جناب الطاف حسين بابا حيدر زمان سان ڳالھ ٻولھ ڪندي فرمايو ته مان محروم عوام جي حقن جي لاءِ جدوجهد ڪري رهيو آهيان ۽ مان عوام جون محروميون چڱي نموني سمجهان ٿو. انهن فرمايو ته مان هميشه مظلوم هزاري وال عوام سان گڏ آهيان ۽ چاهيان ٿو ته هزاره صوبو بڻايو وڃي ۽ هزاري وال عوام کي انهن جا جائز حق ڏنا وڃن.