ڪي فور منصوبي جي تڪميل جي لاءِ سنڌ حڪومت جي مجرمانه غفلت جو فوري طور تي نوٽس ورتو وڃي. سينيٽر نسرين جليل.
ڪراچي؛ 27 اپريل 2015
متحده قومي موومينٽ جي سينيٽر نسرين جليل وزير اعظم ميان نواز شريف کان مطالبو آهي ته ڪراچي جي شهرين کي پاڻي جي فراهمي جي سلسلي ۾ ڪي فور منصوبي جي تڪميل جي لاءِ سنڌ حڪومت جي مجرمانه غفلت جو فوري طور تي نوٽس ورتو وڃي. اهو مطالبو محترمه نسرين جليل وزير اعظم ميان نواز شريف کي هڪ لکيل خط ۾ ڪيو آهي. انهن چيو ته ڪراچي کي 620 ايم جي ڊي اضافي پاڻي جي فراهمي جي لاءِ ايم ڪيو ايم جي درخواست تي وزير اعظم ڪي فور پراجيڪٽ جا پنجاھ سيڪڙو فنڊ فراهم ڪرڻ جي منظوري ڏني هئي. ان منصوبي جي لاءِ وفاقي بجيٽ ۾ 80 ملين روپيا به جاري ڪيا ويا هئا ۽ اهو منصوبو 2014 ۾ مڪمل ٿيڻو هو. پر ڪراچي واٽر اينڊ سيوريج بورڊ جي طرفان ڪي فور جي پراجيڪٽ جي ٽنيڊر جي باوجود سنڌ حڪومت اها رقم چئن مهينن تائين جاري نه ڪئي. جنهن جي ڪري اهو ڪينسل ٿي ويو. انهن وڌيڪ چيو ته ان کان علاوه سنڌ حڪومت جي طرفان ڪي فور جي پراجيڪٽ جي لاءِ 420 ملين روپيا به ادا نه ڪيا ويا آهن. انهن وزير اعظم ميان نواز شريف کان مطالبو ڪيو ته ڪراچي ۾ پاڻي جي قلت جي ڪري شهرين کي پهچندڙ مشڪلاتن جو نوٽس ورتو وڃي.