زمباوي ڪرڪيٽ ٽيم جي طرفان پاڪستان جي دوري جي موقعي تي ڪراچي کي بلڪل نظر انداز ڪرڻ کليل ڪراچي دشمني آهي. ايم ڪيو ايم رابطا ڪميٽي.
ڪراچي؛ 27 اپريل 2015
متحده قومي موومينٽ جي رابطا ڪميٽي پاڪستان ڪرڪيٽ بورڊ جي طرفان زمباوي ڪرڪيٽ ٽيم جي پاڪستان دوري جي موقعي تي ڪراچي کي بلڪل نظر انداز ڪرڻ جي سخت ترين لفظن ۾ مذمت ڪئي آهي ۽ ان فيصلي کي کليل ڪراچي دشمني قرار ڏنو آهي. پنهنجي هڪ بيان ۾ رابطا ڪميٽي چيو ته ڪرڪيٽ بورڊ زمباوي جا سڀئي ميچ لاهور ۾ رکيا آهن. جڏهن ته ملڪ جي ٻين شهرن ۾ ڪوئي به ميچ نه رکيو ويو آهي. ايستائين جو سيڪيورٽي جو بهانو بڻائي ڪري ملڪ جي سڀني کان وڏي شهر ڪراچي کي به نظر انداز ڪيو ويو آهي، رابطا ڪميٽي چيو ته سريلنڪن ٽيم تي حملو ٻئي ڪنهن شهر ۾ نه بلڪه لاهور ۾ ٿيو هو پر اهو ڪهڙو مذاق آهي جو زمباوي جا سڀئي ميچ به لاهور ۾ ئي رکيا ويا آهن. رابطا ڪميٽي سوال ڪيو ته زمباوي جي ٽيم پاڪستان جي دوري تي اچي رهي آهي يا لاهور جي دوري تي؟ رابطا ڪميٽي وڌيڪ چيو ته گذريل پوين ڏينهن ۾ ترڪي جي صدر طيب اردگان کي به صرف لاهور جي دوري تي گهرايو ويو هو، اهڙي طرح چين جي صدر جي دوري جي موقعي تي به صرف پنجاب جي وزيرن کي اهميت ڏني وئي. رابطا ڪميٽي چيو ته جيڪڏهن حڪمرانن جي طرفان هر شعبي ۾ صرف سينٽرل پنجاب جي مفاد ۾ اهڙي طرح ئي پاليسيون بڻايون ويون ۽ باقي ملڪ کي اهڙي طرح ئي نظر انداز ڪيو ويو ته اهو ملڪ جي يڪجهتي جي لاءِ وڏو نقصان ڪار ٿيندو.