جناب الطاف حسين ۽ عوام جو رشتو نظرياتي بنيادن تي مضبوط ۽ پيار و محبت جي ٻنڌڻ ۾ ٻڌل آهي. ايم ڪيو ايم ڪراچي مضافاتي آرگنائزنگ ڪميٽي.
ڪراچي؛ 26 اپريل 2015
متحده قومي موومينٽ جي ڪراچي آرگنائيزنگ ڪميٽي اين اي 246 جي ننڍي چونڊ ۽ ڪنٽومينٽ بورڊ جي اليڪشن ۾ حق پرست ميمبرن جي ڪاميابي کي جناب الطاف حسين تي تمام قومن ۽ مسلڪن جي عوام جي وڏي اعتماد جو مظهر قرار ڏنو آهي، پنهنجي هڪ گڏيل بيان ۾ ان چيو ته ملڪ تي قابض ٻه سيڪڙي استحصالي طبقي ۽ ان سان لاڳاپيل نام نهاد سياسي ۽ مذهبي جماعتن جي رهنمائن هميشه ايم ڪيو ايم جي عوامي مينڊيٽ جي توهين ڪئي آهي،ان چيو ته نام نهاد سياسي و مذهبي جماعتن جي رهنمائن ۽ ملڪ تي قابض جاگيرداراڻه ۽ وڏيراڻه نظام جي مالڪن کي اهو ڄاڻي وٺڻ گهرجي ته عوام جي خواهشن جي خلاف ڪيتريون ئي سازشون ڪري وٺجن پر اهي ڪڏهن به عوامي رائي کي تبديل نه ٿا ڪري سگهن.انهن اين اي 246 جي ننڍي چونڊ ۽ ڪنٽومينٽ بورڊ جي اليڪشن ۾ وڏي ڪاميابي حاصل ڪرڻ تي سڄي ملڪ جي مظلوم عوام کي مبارڪباد به پيش ڪئي ۽ چيو ته ايم ڪيو ايم سياسي ۽ جمهوري انداز ۾ پنهنجي پرامن جدوجهد جاري رکندي ۽ انشاء الله تعالٰي اهو وقت پري نه آهي جڏهن حق پرستي جو قافلو پنهنجي منزل تي پهچندو.