ڪراچي صوبي جو مطالبو قائد تحريڪ جناب الطاف حسين نه پر عوام جي طرفان ڪيو ويو آهي. قومي اسيمبلي جا حق پرست ميمبرَ.
ڪراچي؛ 25 اپريل 2015
ايم ڪيو ايم جي حق پرست اسيمبلي ميمبرن چيو آهي ته وزير اعلٰي سنڌ سيد قائم علي شاھ ڪوڙ ڳالهائي رهيا آهن، ڪراچي صوبي جو مطالبو قائد تحريڪ جناب الطاف حسين جي طرفان نه بلڪه پنهنجن حقن کان محروم عوام جي طرفان ڪيو ويو آهي. پنهنجي هڪ گڏيل بيان ۾ انهن وزير اعلٰي سنڌ جي ان بيان تي ته ڪراچي صوبي جو مطالبو افسوسناڪ آهي، تي تبصرو ڪندي انهن چيو ته سيد قائم علي شاھ ڪوڙ ڳالهائڻ کان پاسو ڪن، قائد تحريڪ جناب الطاف حسين هرگز به ڪراچي صوبي جو مطالبو نه ڪيو آهي بلڪه اهو حقن کان محروم عوام جي طرفان جناح گرائونڊ ۾ ڪيو ويو جنهن تي جناب الطاف حسين جي طرفان چيو ويو ته ڪراچي جي عوام جي محرومي وڌي رهي آهي ۽ اهي پنهنجن جائز حقن جي لاءِ ڪراچي کي صوبو بڻائڻ جو مطالبو ڪري رهيا آهن ۽ اهڙي طرح جتي جتي به صوبن جا مطالبا ڪيا پيا وڃن اتي عوام جي خواهشن جي مطابق صوبا بڻايا وڃن. انهن چيو ته سيد قائم علي شاھ عوام جي مطالبي کي جناب الطاف حسين سان منسوب ڪري قوم سان ڪوڙ ڳالهايو آهي.