سبين محمود جي قتل جي تحقيقات ڪرائي وڃي ۽ قاتلن کي گرفتار ڪيو وڃي. قائد تحريڪ جناب الطاف حسين.
لنڊن؛ 25 اپريل 2015
متحده قومي موومينٽ جي قائد جناب الطاف حسين ممتاز سماجي ڪارڪن ۽ اين جي او جي سربراھ سبين محمود جي قتل جي سخت ترين لفظن ۾ مذمت ڪندي وزير اعظم ميان نواز شريف کان مطالبو ڪيو آهي ته سبين محمود جي قاتلن کي فوري طور تي گرفتار ڪيو وڃي. جناب الطاف حسين فرمايو ته سبين محمود بلوچستان جي معاملي تي هڪ سيمينار ڪيو هو جنهن ۾ ماما قدير ۽ بلوچستان جي ٻين شخصيتن ۽ دانشورن کي گهرايو هو. ان سيمينار ۾ شرڪاء بلوچستان جي مسئلي تي اظهار خيال ڪيو هو، سبين محمود ان سيمينار کان پوءِ پنهنجي والده سان گڏ گهر وڃي رهي هئي ته اڻ ڄاتل ماڻهن انهن جي گاڏي تي فائرنگ ڪئي ۽ سبين محمود کي قتل ڪري ڇڏيو، جڏهن ته انهن جي والده سخت زخمي ٿي پئي جيڪي اسپتال ۾ زير علاج آهن. انهن دعا ڪئي ته الله تعالٰي سبين محمود کي جنت الفردوس ۾ اعلٰي مقام عطا فرمائي ۽ انهن جي والده کي صحت عطا فرمائي. آمين. جناب الطاف حسين وزير اعظم ميان نواز شريف کان مطالبو ڪيو ته سبين محمود جي قتل جي تحقيقات ڪرائي وڃي ۽ قاتلن کي گرفتار ڪيو وڃي.