نئين چونڊيل حق پرست ميمبر قومي اسيمبلي ڪنور نويد جميل قائد تحريڪ جناب الطاف حسين جي والدين ۽ حق پرست شهيدن جي قبرن تي حاضري ڏني.
ڪراچي؛ 24 اپريل 2015
اين اي 246 جي سيٽ تي ڪامياب ٿيندڙ حق پرست اميدوار ڪنور نويد جميل شهداء قبرستان عزيز آباد ۽ پاپوش نگر جي قبرستان ۾ حق پرست شهيدن ۽ قائد تحريڪ جناب الطاف حسين جي والدين جي قبرن تي حاضري ڏني ۽ فاتحه خواني ڪئي. ان موقعي تي اسيمبلي ميمبر به انهن سان گڏ هئا.انهن جناب الطاف حسين جي والدين جي قبرن تي گلن جي چادر به چڙهائي. ان کان اڳ انهن جناح گرائونڊ ۾ يادگار شهداء حق تي حاضري ڏني ۽ گلن جي چادر چڙهائي. ان موقعي تي انهن حق پرست شهيدن جي بلند درجات، جناب الطاف حسين جي والدين جي درجات جي بلندي، شهيدن جي پونئرن جي لاءِ صبر جميل، اسير ڪارڪنن جي جلد رهائي، حق پرستانه جدوجهد جي ڪاميابي ، ملڪ ۾ امن و امان ۽ دهشت گردي جي خاتمي جي لاءِ دعائون به ڪيون.