وزير اعلٰي سنڌ سيد قائم علي شاھ جو ايم ڪيو ايم جي قائد جناب الطاف حسين کي فون،
انهن جناب الطاف حسين کي اين اي 246 جي ننڍي چونڊ ۾ شاندار ڪاميابي تي مبارڪباد پيش ڪئي.
ننڍي چونڊ ۾ وڏي اڪثريت سان ڪاميابي ايم ڪيو ايم تي عوام جي اعتماد جو اظهار آهي. سيد قائم علي شاھ.
لنڊن؛ 24 اپريل 2015
وزير اعلٰي سنڌ سيد قائم علي شاھ ايم ڪيو ايم جي قائد جناب الطاف حسين کي فون ڪري اين اي 246 جي سيٽ تي ايم ڪيو ايم جي طرفان شاندار ڪاميابي حاصل ڪرڻ تي مبارڪباد پيش ڪئي آهي. انهن جناب الطاف حسين سان فون تي ڳالھ ٻولھ ڪندي چيو ته ننڍي چونڊ ۾ وڏي اڪثريت سان ڪاميابي سٺي ڳالھ آهي. جيڪا ايم ڪيو ايم تي عوام جي اعتماد جو اظهار به آهي. انهن ان ڪاميابي تي سابق صدر آصف علي زرداري جي طرفان ايم ڪيو ايم جي قيادت ۽ ڪارڪنن کي به مبارڪباد پيش ڪئي. جناب الطاف حسين وزير اعلٰي سنڌ سيد قائم علي شاھ جو شڪريو ادا ڪيو ۽ انهن کي به مبارڪباد پيش ڪئي. ٻنهي رهنمائن هڪ ٻئي جي خيريت به دريافت ڪئي.