سينيئر صحافي ، ڪالم نگار ۽ سابق حق پرست ميمبر سنڌ اسيمبلي عبدالقدوس جي وفات تي ايم ڪيو ايم جي قائد جناب الطاف حسين جي طرفان افسوس جو اظهار.
عبدالقدوس نه صرف بهترين صحافي. بلڪه مخلص ڪارڪن به هئا جن جي تنظيمي ۽ صحافتي خدمتن کي هميشه ياد رکيو ويندو.قائد تحريڪ جناب الطاف حسين
لنڊن؛ 23 اپريل 2015
متحده قومي موومينٽ جي قائد جناب الطاف حسين سينيئر صحافي ، ڪالم نگار ۽ سابق حق پرست ميمبر سنڌ اسيمبلي عبدالقدوس جي وفات تي وڏي ڏک ۽ افسوس جو اظهار ڪيو آهي ۽ چيو آهي ته اهي اڄ هڪ مخلص ۽ سچي ڪارڪن کان محروم ٿي ويا آهن. پنهنجي هڪ تعزيتي بيان ۾ جناب الطاف حسين عبدالقدوس جي تنظيمي ۽ صحافتي خدمتن تي انهن کي زبردست خراج عقيدت پيش ڪيو ۽ فرمايو ته عبدالقدوس نه صرف بهترين صحافي بلڪه هڪ مخلص ڪارڪن به هئا. جن جي تنظيمي ۽ صحافتي خدمتن کي هميشه ياد رکيو ويندو. انهن عبدالقدوس مرحوم جي سوگوار پونئرن، ڪراچي يونين آف جرنلسٽ جي تمام عهديدارن ، گرين پينل ۽ امن اخبار سميت تمام صحافين سان دلي تعزيت ۽ همدردي جو اظهار ڪندي انهن کي صبر جي تلقين ڪئي ۽ فرمايو ته عبدالقدوس جي وفات سان مون سميت ايم ڪيو ايم جا تمام ڪارڪن انهن جي ڏک ۾ برابر جا شريڪ آهن ۽ دعاگو آهن ته الله تعالٰي عبدالقدوس مرحوم کي جنت الفردوس ۾ اعلٰي مقام عطا فرمائي ۽ سوگوار پوئنرن کي اهو صدمو برداشت ڪرڻ جو حوصلو عطا فرمائي.آمين.ان کان علاوه ايم ڪيو ايم رابطا ڪميٽي به انهن جي وفات تي وڏي ڏک ۽ افسوس جو اظهار ڪيو آهي.