تحريڪ نفاذ فقه جعفريه جي طرفان اين اي 246 جي سيٽ تي ايم ڪيو ايم جي حمايت جو اعلان.
ڪراچي؛ 19 اپريل 2015
تحريڪ نفاذ فقه جعفريه اين اي 246 جي سيٽ تي ايم ڪيو ايم جي حمايت جو اعلان ڪيو آهي. اهو اعلان انهن خورشيد بيگم سيڪريٽريٽ ۾ اين اي 246 جي حق پرست اميدوار ڪنور نويد جميل سان ملاقات جي دوران ڪيو . ان موقعي تي ايم ڪيو ايم علماء ڪميٽي جو انچارج جاويد احمد ۽ ٻيا به موجود هئا. وفد سان ڳالھ ٻولھ ڪندي ڪنور نويد جميل تحريڪ نفاذ فقه جعفريه جي تمام رهنمائن ۽ ڪارڪنن جو شڪريو ادا ڪيو ۽ انهن کي يقين ڏياريو ته جناب الطاف حسين جا چونڊيل نمائندا هر ڏکئي وقت ۾ انهن سان گڏ هوندا. ان موقعي تي وفد ڳالھ ٻولھ ڪندي چيو ته ايم ڪيو ايم جي مقابلي ۾ بيٺل جماعت اسلامي ۽ تحريڪ انصاف حقيقت ۾ طالبان ۽ القائده جون حامي جماعتون آهن جن کي اهل تشيع سميت پوري امن پسند برادري ڪنهن به صورت ووٽ نه ڏيندي. تحريڪ فقه جعفريه جي وفد ۾ سيد انور حسين جعفري، سيد وقار حسن تقوي ۽ ٻيا به شريڪ هئا.