خيبرپختونخواھ ۾ تحريڪ انصاف جي حڪومت عوام جا مسئلا حل ڪرڻ ۾ بري طرح سان ناڪام ٿي چڪي آهي.بيرسٽر محمد علي سيف.
پشاور؛ 20 اپريل 2015
متحده قومي موومينٽ جي سينيٽر ۽ خيبرپختونخواھ جي صدر بيرسٽر محمد علي سيف چيو آهي ته ڪي پي ڪي ۾ تحريڪ انصاف جي حڪومت عوام جا مسئلا حل ڪرڻ ۾ مڪمل طور تي ناڪام ٿي چڪي آهي. اها ئي وجه آهي ته اڄ ڪي پي ڪي جا عوام تحريڪ انصاف جي صوبائي حڪومت کان بيزار ٿي چڪا آهن ۽ ان جي خلاف احتجاج ڪري رهيا آهن.گذريل ڏينهن به اسلام آباد بني گاله ۾ عمران خان جي رهائشگاھ جي ٻاهران ڪي پي ڪي جي صحت جي ملازمن جي طرفان ڌرڻو ڏنو ويو، جڏهن ته ڪي پي ڪي جي شهرن ۾ به عوام صوبائي حڪومت جي خلاف احتجاج ڪري رهيا آهن. انهن چيو ته جيڪا جماعت هڪ صوبي ۾ عوام جا مسئلا حل نه ٿي ڪري سگهي ته اها سڄي پاڪستان کي ڪيئن ٿي سنڀالي سگهي. انهن چيو ته ايم ڪيو ايم ڪي پي ڪي جي عوام سان گڏ آهي ۽ اها انهن جي مسئلن جي حل جي لاءِ آواز اٿاريندي رهندي.