متحده قومي موومينٽ جي سينٽرل ايگزيڪٽو ڪائونسل اڪثريت سان وسيم اختر کي انچارج چونڊي ڇڏيو.

ڪراچي؛ 29 مارچ 2015 

             متحده قومي موومينٽ جي سينٽرل ايگزيڪٽو ڪائونسل جي ميمبرن ڳجهي ووٽنگ جي ذريعي سابق ميمبر قومي اسيمبلي وسيم اختر کي اڪثريت سان سي اي سي جو انچارج چونڊي ڇڏيو آهي. جڏهن ته ايم ڪيو ايم جا سينيئر رهنما طارق جاويد ۽ سيد امين الحق ٻئي ۽ ٽئين نمبر تي آيا آهن. اهو اعلان جناب الطاف حسين قومي اسيمبلي جي تڪ نمبر 246 جي ننڍي چونڊ جي سلسلي ۾ لياقت آباد ۽ فيڊرل بي ايريا جي ذميوارن ۽ ڪارڪنن جي اجلاس کي خطاب ڪندي ڪيو. جناب الطاف حسين فرمايو ته سي اي سي جي حيثيت ايم ڪيو ايم جي پارليامينٽ جهڙي آهي جنهن جي ميمبرن جو تعلق سڄي پاڪستان مان هوندو. اها ڪائونسل ايم ڪيو ايم جي آئين جي تشڪيل نو ۽ ان ۾ ترميم سان گڏو گڏ قانون سازي به ڪندي. جناب الطاف حسين سي اي سي جي انچارج وسيم اختر کي هدايت ڪئي ته اهي ملڪ ۾ حق پرستانه پيغام جي فروغ جي لاءِ سي اي سي کي وڌيڪ موثر ۽ فعال بڻائين ۽ محنت سان ڪم ڪري ملڪ ۾ تنظيمي معاملن کي به وڌيڪ بهتر بڻائين.