ڊاڪٽر خالد مقبول صديقي جي سربراهي ۾ ايم ڪيو ايم جي وفد وفاقي وزير اطلاعات پرويز رشيد سان ملاقات ڪئي.
اسلام آباد؛ 25 مارچ 2015
متحده قومي موومينٽ جي رابطا ڪميٽي جي ميمبر ڊاڪٽر خالد مقبول صديقي جي سربراهي ۾ قومي اسيمبلي ميمبر رشيد گوڏيل ۽ ٻين وفاقي وزير اطلاعات پرويز رشيد سان انهن جي آفيس اسلام آباد ۾ ملاقات ڪئي ۽ انهن کي ايم ڪيو ايم جي خلاف ميڊيا ٽرائل ۽ ڪروڙين عوام جي قائد جناب الطاف حسين جي خلاف توهين وارا لفظ استعمال ڪرڻ کان آگاھ ڪيو. ايم ڪيو ايم وفد پرويز رشيد کي ٻڌايو ته ايم ڪيو ايم جي خلاف ميڊيا ٽرائل تي عوام ۽ ڪارڪنن ۾ سخت ڪاوڙ جي لهر پاتي وڃي ٿي ۽ ميڊيا مڪمل طور تي يڪطرفه ڪاروائي ڪري رهيو آهي. پرويز رشيد ايم ڪيو ايم جي وفد جي ڳالهين کي غور سان ٻڌو ۽ انهن کي يقين ڏياريو ته ٽي وي چينلن تي ڪنهن به سياسي جماعت جي خلاف يڪطرفه ايڪشن نه ٿيڻ ڏنو ويندو جنهن به ٽي وي چينل ۽ پروگرام ۾ ميڊيا ٽرائل جو عنصر نمايان هوندو ان جي خلاف قانوني ڪاروائي ڪئي ويندي.