قائد تحريڪ جناب الطاف حسين کي عمران خان جي طرفان ڌمڪي ڏيڻ واري بيان تي ايم ڪيو ايم جي رابطا ڪميٽي جي طرفان مذمت جو اظهار.
عمران خان اسٽيبلشمينٽ جون گهوڙيون استعمال ڪري ڪراچي تي قبضو ڪرڻ جو خواب ڏسي رهيو آهي. رابطا ڪميٽي.
لنڊن؛ 25 مارچ 2015
متحده قومي موومينٽ جي رابطا ڪميٽي آزاد ڪشمير ۾ منعقد ٿيندڙ جلسي ۾ تحريڪ انصاف جي سربراھ عمران خان جي طرفان قائد تحريڪ جناب الطاف حسين کي ڌمڪي ڏيڻ جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته عمران خان کي ڪشميري عوام سان ذري برابر به همدردي نه آهي ۽ ڪشمير جي آزادي ۽ ڪشميري عوام تي ڪيل ظلمن جي خلاف احتجاج ڪرڻ جي بجاءِ ڪروڙين عوام جي قائد جي خلاف زبان استعمال ڪري سستي شهرت حاصل ڪرڻ جي ڪوشش ڪري رهيا آهن. رابطا ڪميٽي چيو ته عمران خان ڪشميري ۽ پاڪستاني عوام کي بي وقوف نه سمجهن ۽ بزدلن وانگر مسئله ڪشمير کان ڀڄڻ ۽ موضوع بدلڻ جي بجاءِ کلي ڪري ان مسئلي تي پنهنجو موقف بيان ڪن. رابطا ڪميٽي چيو ته اها افسوس جي ڳالھ آهي ته هڪ شخص جيڪو بغير ڪنهن نڪاح جي هڪ ٻارڙي کي جنم ڏيڻ جي ڪري آئين جي شقن 62 ۽ 63 جي مطابق نااهل ثابت ٿي وڃڻ گهرجي ها، پر ان جي باوجود اهي اسٽيبلشمينٽ جون گهوڙيون استعمال ڪري ڪراچي تي قبضي ڪرڻ جو خواب ڏسي رهيا آهن ۽ نعوذ بالله پاڻ کي زميني خدا سمجهي وڏا وڏا دعوٰي ڪري رهيا آهن. سڄي ملڪ جو عوام چڱي نموني ڄاڻي ٿو ته عمران خان بغير نڪاح جي جنم ڏيندڙ نياڻي کي اپنائڻ جي لاءِ تيار نه آهي ۽ ان کي انصاف فراهم ڪرڻ جي لاءِ تيار نه آهي ته ان کي پاڪستاني عوام جو ليڊر بڻائڻ جي پويان ڪهڙا هٿ آهن. رابطا ڪميٽي چيو ته عمران خان زمين تي خدائي جو دعوٰي نه ڪن ڇو ته ڪنهن جو وقت آيو آهي ۽ ڪنهن جو وقت نه آيو آهي اهو صرف الله سائين ڄاڻي ٿو.