خيرپور ۾ سپرهائي وي تي ڪوچ ۽ ٽرڪ جي حادثي جي نتيجي ۾ 12 ماڻهن جي هلاڪ ۽ ڪيترن ئي زخمي ٿيڻ تي قائد تحريڪ جناب الطاف حسين جي طرفان وڏي ڏک ۽ افسوس جو اظهار.
لنڊن؛ 25 مارچ 2015
متحده قومي موومينٽ جي قائد جناب الطاف حسين خيرپور ۾ سپرهائي وي تي ڪوچ ۽ ٽرڪ جي ٽڪر جي نتيجي ۾ 12 ماڻهن جي هلاڪ ۽ ڪيترن ئي ماڻهن جي زخمي ٿيڻ تي وڏي ڏک ۽ افسوس جو اظهار ڪيو آهي.پنهنجي هڪ بيان ۾ جناب الطاف حسين ملڪ ۾ وڌندڙ ٽريفڪ حادثن تي وڏي ڳڻتي جو اظهار ڪندي فرمايو ته انساني زندگين جو تحفظ حڪومت جي پهرين ترجيح هجڻ گهرجي. پر حڪومت ان ۾ وڏي غفلت جو مظاهرو ڪري رهي آهي. انهن حڪومت کان مطالبو ڪيو ته ٽريفڪ حادثن جي روڪٿام جي لاءِ ٺوس ۽ مثبت قدم کنيا وڃن ته جيئن قيمتي انساني جانين کي بچائي سگهجي. انهن فرمايو ته ان حادثي جي تحقيقات ڪرائي ذميوارن کي سخت ترين سزا ڏني وڃي. جناب الطاف حسين ان حادثي جي نتيجي ۾ هلاڪ ٿيندڙن جي پونئرن سان دلي تعزيت ۽ همدردي جو اظهار ڪندي دعا فرمائي ته الله تعالٰي هلاڪ ٿيندڙن کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي.آمين. ان کان علاوه انهن زخمي ٿيندڙن جي لاءِ مڪمل صحتيابي جي لاءِ دعا به فرمائي.