سابق صدر آصف علي زرداري جو ايم ڪيو ايم جي قائد جناب الطاف حسين سان ٽيليفون تي رابطو.
انهن ايم ڪيو ايم جي حڪومت ۾ شموليت جي حوالي سان ٿيندڙ فيصلن جي تفصيل کان به آگاھ ڪيو.
ايم ڪيو ايم عوام جي بنيادي حقن جي حصول جي لاءِ پنهنجي پرامن جدوجهد جاري رکندي.قائد تحريڪ جناب الطاف حسين.
لنڊن؛ 17 مارچ 2015
سابق صدر آصف علي زرداري ايم ڪيو ايم انٽرنيشل سيڪريٽريٽ لنڊن فون ڪري ايم ڪيو ايم جي قائد جناب الطاف حسين سان ڳالھ ٻولھ ڪئي. ٻنهي رهنمائن جي وچ ۾ ٿيندڙ ڳالھ ٻولھ ۾ ملڪ جي گڏيل سياسي صورتحال، ايم ڪيو ايم ۽ پي پي جي وچ ۾ ورڪنگ رليشن شپ ۽ ٻين معاملن تي خيالن جي ڏي وٺ به ڪئي .جناب آصف علي زرداري چيو ته پي پي ۽ ايم ڪيو ايم سنڌ جي عوام جي چونڊيل جماعتون آهن ۽ ٻئي جماعتون گڏجي ڪري ملڪ، صوبي جي ترقي، خوشحالي ۽ عوام جي ڀلائي جي لاءِ جدوجهد ڪنديون رهنديون. انهن جناب الطاف حسين کي پي پي جي ميمبرن جي اجلاس ۾ ايم ڪيو ايم جي حڪومت ۾ شموليت جي حوالي سان ٿيندڙ فيصلن جي تفصيل کان به آگاھ ڪيو. جنهن کي جناب الطاف حسين تمام سٺو قرار ڏنو. ٻنهي رهنمائن اتفاق ڪيو ته ايم ڪيو ايم ۽ پي پي جي وچ ۾ مفاهمت ۽ بهتر ورڪنگ رليشن شپ ملڪ خصوصن سنڌ جي لاءِ تمام سٺي آهي. جناب الطاف حسين ڳالھ ٻولھ ڪندي فرمايو ته ايم ڪيو ايم عوام جي بنيادي حقن جي حصول جي لاءِ پنهنجي پرامن جدوجهد جاري رکندي. ٻنهي رهنمائن سانحه يوحانا آباد لاهور تي به پنهنجي ڳڻتي جو اظهار ڪيو ۽ ان دردناڪ سانحي ۾ هلاڪ ٿيندڙ مسيحي پاڪستانين جي سوگوار پونئرن سان دلي تعزيت ۽ همدردي جو اظهار به ڪيو. ٻنهي رهنمائن هڪ ٻئي جي خيريت پڇي ۽ مستقبل ۾ به پاڻ ۾ رابطا جاري رکڻ تي اتفاق ڪيو.