ايم ڪيو ايم جا آئيني ۽ قانوني ماهرَ قائد تحريڪ جناب الطاف حسين جي خلاف مقدمي جي اندراج جو تفصيلي جائزو وٺي رهيا آهن. ايم ڪيو ايم رابطا ڪميٽي پاڪستان ۽ لنڊن.
تمام ڪارڪنَ ۽ حق پرست عوام پرامن رهن ۽ پنهنجين صفن ۾ اتحاد برقرار رکن. رابطا ڪميٽي جي اپيل.
ڪراچي؛ 17 مارچ 2015
متحده قومي موومينٽ جي رابطا ڪميٽي پاڪستان ۽ لنڊن پنهنجي هڪ گڏيل بيان ۾ رينجر جي هڪ آفيسر جي طرفان قائد تحريڪ جناب الطاف حسين جي خلاف مقدمي جي اندراج تي تبصرو ڪندي چيو آهي ته ايم ڪيو ايم جا آئيني ۽ قانوني ماهر ان معاملي جو تفصيلي جائزو وٺي رهيا آهن ۽ ان مقدمي جي سمورن رخن جو تفصيلي جائزو وٺڻ کان پوءِ ان جي باري ۾ قانوني حڪمت عملي اختيار ڪئي ويندي. رابطا ڪميٽي چيو ته بادي النظر ( مٿاڇري نظر) ۾ لڳي ٿو ته قائد تحريڪ جناب الطاف حسين جي خلاف درج ڪيل مقدمي ۾ لڳايل الزامَ حقيقت جي خلاف آهن.رابطا ڪميٽي چيو ته قائد تحريڪ جناب الطاف حسين ماضي ۾ به اهڙن بي شمار مقدمن جو سامنو ڪيو آهي ۽ هاڻي به اسان آئين ۽ قانون جي حد ۾ رهندي پنهنجو قانوني دفاع ڪنداسين. رابطا ڪميٽي سمورن ڪارڪنن ۽ حق پرست عوام کي اپيل ڪئي ته اهي پنهنجين صفن ۾ اتحاد برقرار رکن ۽ ثابت قدم رهن. رابطا ڪميٽي چيو ته ايم ڪيو ايم هڪ امن پسند، لبرل ۽ جمهوريت پسند جماعت آهي ۽ قائد تحريڪ جناب الطاف حسين جي پرعزم قيادت ۾ پنهنجي آئيني ۽ جمهوري جدوجهد جاري رکندي.